: यस पटकपटकको निर्वाचनमा दाङ ठूलाको साख गुमेको छ भने अधिकांश उम्मेदवारको जमानत जफत भएको छ । फागुन २१ गते भएको प्रतिनिधि सभा सदस्यको निर्वाचनको दाङमा नतिजा सार्वजनिक भएसँगै यस्तो देखिएको हो । यसले दाङको राजनीतिमा ठूलो उलटपुलट सिर्जना गरिदिएको छ।
लामो समयदेखि राजनीतिमा प्रभावशाली मानिएका ठूला दलका प्रमुख पदाधिकारी,नेतादेखि पूर्वमन्त्री र पूर्वमुख्यमन्त्रीसम्मले यसपटक् कतिपयले जनमत जोगाउन सकेनन्। दाङमा नेपाली काङ्ग्रेसको सहमहामन्त्री योगेन्द्र चौधरी,पूर्वमन्त्री दीपक गिरी,एमाले महासचिव शंकर पोख्रेल ,एमाले केन्द्रीय सदस्य घनश्याम पाण्डे,नेकपाका नेता पूर्वमन्त्री मेटमणि चौधरी, लुम्बिनी प्रदेशका पूर्वमुख्यमन्त्री कुलप्रसाद केसीले,एमाले नेता रेवतिरमण शर्मा घिमिरेले साघ जोगाउन सकेनन् । यस्मा पूर्वमन्त्री मेटमणि चौधरी, पूर्वमुख्यमन्त्री कुलप्रसाद केसी, रेवतीले आफ्नो जमानत समेत जोगाउन सकेनन् ।
यी तीनसहित तीन निर्वाचन क्षेत्र रहेको दाङमा तीनवटै निर्वाचन क्षेत्रमा ठूलो संख्यामा उम्मेदवारको जमानत जफत भएको छ भने कतिपय उम्मेदवारले अत्यन्त न्यून मत मात्र प्राप्त गरेका छन् । निर्वाचन अधिकृतको कार्यालयले सार्वजनिक गरेको निर्वाचनको आधिकारिक तथ्यांकअनुसार दाङका तीन निर्वाचन क्षेत्रमा गरी कुल ५१ जना उम्मेदवारको जमानत जफत भएको छ। त्यसमध्ये ३१ जना उम्मेदवारले ५० मतको आँकडा समेत पार गर्न सकेनन्। चुनावमा मतदाताले परम्परागत राजनीतिक नेतृत्वप्रति र निर्दलीय उम्मेदवारहरूप्रति अविश्वास प्रकट गरेका छन्। ।
पूर्वमुख्यमन्त्री र पूर्वमन्त्रीको जमानत गुम्यो
विगतका दुईवटा निर्वाचनलाई सहज रुपमा जितेका पूर्वमन्त्री तथा नेकपाका नेता मेटमणि चौधरीले यसपटक आफ्नो जमानत पनि जोगाउन सकेनन्। २०७४ र ०७९ सालको निर्वाचनमा अत्यधिक मतसहित विजय निकालेका मेटमनी चौधरीले यसपटकको निर्वाचनमा भने नराम्रो पराजय बेहोरेका छन् ।
दाङ क्षेत्र नं। १ मा राष्ट्रिय स्वतन्त्र पार्टीका देवराज पाठक भारी मतान्तरसहित विजयी भए। उनले ४२,६०२ मत प्राप्त गर्दै प्रतिस्पर्धी उम्मेदवारहरूलाई पछि पारे। निकटतम प्रतिद्वन्दी नेपाली काङ्ग्रेसका सहमहामन्त्री योगेन्द्र चौधरीले १५२८० मत प्राप्त गरे। भने पूर्व मन्त्री मेटमणि चौधरी चौथो र पूर्व मुख्यमन्त्री कुलप्रसाद केसी छैटौं हुदै जमानत जोगाउन सकेनन् । मतभारमा तेस्रो रहेका जमानत जोगाउन नसक्ने उम्मेदवारमा नेकपा एमालेका रेवती रमन शर्मा पनि परेका छन्। यस क्षेत्रमा कुल १४ जना उम्मेदवार प्रतिस्पर्धामा रहेकामा १२ जनाको जमानत जफत भएको छ। पूर्वमुख्यमन्त्री कुलप्रसाद केसी र पूर्वमन्त्री मेटमणि चौधरी जस्ता प्रभावशाली नेताले अपेक्षाकृत भन्दा कम मत पाए। कुलप्रसाद केसीले १,३८४ मत मात्र प्राप्त गर्दा मेटमणि चौधरीले ४,९६६ मत पाए । एमालेका रेवती रमन शर्मा घिमिरेले ६८२५ मत मात्र प्राप्त गरे ।
नेकपा एमालेका महासचिव शङ्कर पोखरेल पनि दाङ क्षेत्र नम्बर २ बाट नराम्रो हार बेहोरेका छन् । दाङ क्षेत्र नं। २ मा राष्ट्रिय स्वतन्त्र पार्टीका विपिन कुमार आचार्य विजयी भएका छन्। आचार्यले ४३,५५९ मत ल्याउँदा शंकर पोख्रेलले १५२८७ मत प्राप्त गरे। तेस्रोमा रहेका नेपाली कांग्रेसका किरणकिशोर घिमिरेले ११,५५८ मत प्राप्त गरे। नेकपाका उम्मेदवार निर्मल आचार्यले ७०८३ मत प्राप्त गरे। आचार्यको पनि यो निर्वाचनमा जमानत जफत भएको छ। राष्ट्रिय स्वतन्त्र पार्टीका विपिन आचार्यले नेकपा एमालेका महासचिव शंकर पोखरेललाई पराजित गर्दै आफू स्थापित भएका छन्। यस क्षेत्रमा २३ जना उम्मेदवार चुनावी मैदानमा थिए, जसमध्ये २० जनाको जमानत जफत भएको छ।
दाङ क्षेत्र नम्बर ३ मा ४ जना उम्मेदवारहरूको जमानत जोगिएको छ भने १९ जना उम्मेदवारहरूको जमानत जफत भएको छ त्यसमा पनि धेरै जना ५० भन्दा कम मत ल्याउने उम्मेदवारहरु रहेका छन् । यस क्षेत्रबाट राष्ट्रिय स्वतन्त्र पार्टीका कमल सुवेदी ४४,२४८ मत ल्याएर विजयी भएका छन् भने निकटतम प्रतिद्वन्दी नेपाली कांग्रेसका केन्द्रीय सदस्य पूर्वमन्त्री दिपक गिरी रहेका छन्। उनले १६,४५३ मत प्राप्त गरेका छन् । त्यसैगरी जमानत जोगाउनेमा नेकपा एमालेका उम्मेदवार घनश्याम पाण्डे र नेकपाका उम्मेदवार धनबहादुर मास्की पनि रहेका छन्। २३ जना उम्मेदवार प्रतिस्पर्धामा उत्रिएका थिए। तीमध्ये १९ जनाको जमानत जफत भएको हो । स्थापित राज दाङको यसपटकको निर्वाचन परिणामले मतदाताले परम्परागत नेतृत्वभन्दा नयाँ विकल्पलाई रोजेको सन्देश दिएको विश्लेषण भइरहेको छ। प्रभावशाली नेताहरू पराजित हुनु र ठूलो संख्यामा उम्मेदवारको जमानत जफत हुनु दाङको राजनीतिमा नयाँ मोड लिएको छ ।
