: प्रधानमन्त्री कप पुरुष क्रिकेट प्रतियोगिताको आठौँ संस्करण चारवटा भेन्युमा हुने भएको छ। नेपाल क्रिकेट सङ्घ (क्यान)ले एक प्रेस विज्ञप्ति जारी गर्दै काठमाडौंका दुईवटा भेन्यु संलग्न गरी विशेषत पर्सा र जनकपुरमा यो संस्करणको खेलहरू हुने जानकारी दिएको हो।
नेपाल क्रिकेट संघले सोमबार प्रधानमन्त्री कपको तालिका सार्वजनिक गरेको हो । जसमा काठमाडौंका दुईवटा स्थान (त्रिभुवन अन्तर्राष्ट्रिय क्रिकेट मैदान र माथिल्लो मूलपानी मैदान)सहित जनकपुर र पर्सामा खेल गराइने गरी तालिका सार्वजनिक गरिएको छ।
त्रिभुवन अन्तर्राष्ट्रिय क्रिकेट मैदान र माथिल्लो मूलपानी मैदानमा पाँच/ पाँचवटा खेलहरू सञ्चालन हुनेछन्। त्यसबाहेकका खेलहरू भने जनकपुर र पर्सामा सञ्चालन हुनेछ। जनकपुरमा १७ वटा खेलहरू खेलाइनेछन् भने पर्सामा १८ वटा खेलहरू खेलाइनेछ।
प्रधानमन्त्री कप पुरुष क्रिकेट प्रतियोगिता २०८२ चैत्र ७ देखि २०८३ को वैशाख ४ गतेसम्म सञ्चालन हुने भएको हो। यसअघिको सातौँ संस्करणको प्रधानमन्त्री कप एकदवसीय क्रिकेट प्रतियोगिताको विजेता नेपाल पुलिस क्लब रहेको थियो नेपाल पुलिस क्लबले त्रिभुवन आर्मी क्लबलाई ६ विकेटले पराजित गर्दै सातौं संस्करणको प्रधानमन्त्री कपको उपाधि जितेको थियो।
यससँगै जय ट्रफी लाइट कप क्रिकेट प्रतियोगिताको फाइनल भने अघि सरेको छ। जय ट्रफीको फाइनल भने नेपाल पुलिस क्लब र त्रिभुवन आर्मी क्लब बीच चैत्र ३ देखि ५ गतेसम्म तीनदिवसीय ढाँचामा काठमाडौंको माथिल्लो मूलपानी क्रिकेट मैदानमा खेलाइने भएको हो।
