: जेनजी आन्दोलनका क्रममा घटेका घटनाको छानबिन गर्न गठित जाँचबुझ आयोगले सरकारलाई प्रतिवेदन बुझाएको छ। आइतबार सिंहदरबार पुगेर आयोगको टोलीले प्रधानमन्त्री सुशीला कार्कीलाई अनुसन्धानको प्रतिवेदन बुझाएको हो।null

प्रतिवेदन बुझाएपछि सञ्चारकर्मीसँग कुराकानी गर्दै आयोगका सदस्य विज्ञानराज शर्माले जसले गल्ती गरेको छ त्यसलाई कारवाही हुने बताए। उनले आन्दोलनको सुरू देखि नै सुरक्षा कमजोरी भएको कुरा प्रतिवेदनमा उल्लेख रहेको बताए।

जेनजी आन्दोलनमा भएका घटनाक्रम र सरकारी पक्षबाट भएको भनिएको दमनबारे छानबिन गर्न अन्तरिम सरकारले गत असोज ५ गते पूर्वन्यायाधीश गौरीबहादुर कार्कीको संयोजकत्वमा जाँचबुझ आयोग गठन गरेको थियो। सुरूमा तीन महिनाको समयावअधि दिएको थियो। तर, तोकिएकै समयमा काम पूरा नगरेपछि सरकारले बीचमा म्याद थप गरेको थियो।null
आयोगमा पूर्व एआईजी विज्ञान राज शर्मा र विश्वेश्वर प्रसाद भण्डारी सदस्य रहेका छन्। भदौ २३ र २४ गते भएको जेनजी पुस्ताको आन्दोलनमा ७४ जनाले ज्यान गुमाएका थिए।

आन्दोलनका क्रममा देशको प्रशासनिक केन्द्र सिंहदरबार तथा सर्वोच्च अदालतसहित विभिन्न सार्वजनिक संस्थाहरूमा तोडफोडका साथै आगजनी भएको थियो।