: नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्डले आफ्नो पार्टी एजेण्डाको बलमा चुनावमा होमिएको बताएका छन्।
पार्टी कार्यालय पेरिसडाँडामा आयोजित छलफल कार्यक्रमलाई सम्बोधन गर्दै पूर्व प्रधानमन्त्री समेत रहेका संयोजक प्रचण्डले चुनावमा कसैसँग तालमेल नगर्ने र यसका लागि कसैसँग छलफल समेत नभएको दावी गरेका छन्। आफूहरु पार्टी र जनताको बलमै चुनावमा जाने बताउँदै संयोजक प्रचण्डले यो कुरा आफूले चुनाव घोषणा भएको पहिलो दिनदेखि नै राख्दै आएको समेत बताएका छन्।
उनले मिडियाहरुमा समीकरणका विषय आफूले पटक–पटक खण्डन गर्दै आएको समेत बताए। संयोजक प्रचण्डले गत भदौं २३-२४ मा विध्वंश मच्चाउनेसँग तालमेल हुन नसक्ने बताउँदै राजनीतिक समीकरणको चर्चामा सत्यता नभएको दावी गरे।
