: एन्फा राष्ट्रिय लिग २०८२ अन्तर्गत मंगलबार भएको पहिलो खेलमा चर्च ब्वाइज युनाइटेडले त्रिभुवन आर्मी क्लबलाई २–१ ले हराएको छ।
सातदोबाटोस्थित एन्फा कम्प्लेक्समा भएको खेलमा चर्च ब्वाइजले आर्मीलाई हराएको हो। पहिलो हाफमा १–० को अग्रता बनाएको थियो। दोस्रो हाफमा १ गोल गर्दै चर्च ब्वाइजले १ गोल बेहोरेको हो।
खेलको ३२ औं मिनेटमा अबयोमी ओलुवासिन फाकुन्लेले गोल गर्दै चर्च ब्वाइजलाई अग्रता दिलाएका थिए। दोस्रो हाफको खेलमा आर्मीका लागि खेलको ४७ औं मिनेटमा आर्मीका नवयुग श्रेष्ठले गोल गर्दै खेललाई बराबरीमा ल्याएका थिए।
खेलको ६४ औं मिनेटमा चर्च ब्वाइजका लागि रोहन कार्कीले टिमका लागि दोस्रो गोल गरे। यो गोल नै निर्णायक बन्यो। आजको दोस्रो खेल फ्रेन्ड्स र चित्लाङ फुटबल क्लबबीच हुनेछ।
