: एन्फा राष्ट्रिय लिग २०८२ अन्तर्गत नेपाल पुलिसमाथि जावलाखेल युथ क्लबले जित दर्ता गरेको छ। सातदोबाटोस्थित एन्फा कम्प्लेक्समा भएको खेलमा जावलाखेल युथ क्लबले नेपाल पुलिस क्लबलाई ३–० ले हराएको हो।
पहिलो हाफमा २–० को अग्रता बनाएको जावलाखेल युथ क्लबले दोस्रो हाफमा १ गोल थप्यो। जावलाखेलको लागि खेलको १८ औं मिनेटमा निकोलस हमिल्टोनले गोल गर्दै जावलाखेललाई अग्रतामा ल्याएका थिए। खेलको २८ औं मिनेटमा युवराज ढकालले दोस्रो गोल गरे।
खेलको ७७ औं मिनेटमा विकास दलार्मी मगरले जावलाखेलको लागि तेस्रो गोल गरे। पुलिसले जवाफी १ गोल पनि फर्काउन सकेन। आजको दोस्रो खेल संकटा क्लब र प्लानिङ ब्वाइज युनाइटेडले दिउँसो ४ बजे खेल्नेछन्।
