गत वर्ष लगाइएको कर सर्वोच्च अदालतले खारेज गरेपछि अमेरिकी राष्ट्रपति डोनाल्ड ट्रम्पले नयाँ १० प्रतिशत विश्वव्यापी कर लगाएका छन्। ट्रम्पले अदालतको निर्णयलाई भयानक रहेको बताउँदै आफ्नो व्यापार नीति अस्वीकार गर्ने न्यायाधीशहरूलाई मूर्ख भएको आरोप लगाए।
यसअघि, अमेरिकी सर्वोच्च अदालतले गत वर्ष ह्वाइट हाउसले घोषणा गरेका अधिकांश विश्वव्यापी शुल्कहरूलाई अमान्य घोषित गरेको थियो। ६-३ को फैसलामा, अदालतले राष्ट्रपतिले आफ्नो अधिकार नाघेको बताएको थियो।
यो निर्णयलाई ती व्यवसायीहरू र अमेरिकी राज्यहरूका लागि ठूलो विजय मानिएको छ। जसले यी शुल्कहरूलाई चुनौती दिएका थिए। यसले सम्भावित रूपमा अर्बौं डलरको भन्सार फिर्ताको ढोका खोलेको छ। जबकी विश्वव्यापी व्यापार परिदृश्यमा नयाँ अनिश्चितता पनि थपेको छ। शुक्रबार ह्वाइट हाउसमा बोल्दै ट्रम्पले कानुनी लडाई बिना रकम फिर्ता नहुने संकेत गर्दै मुद्दा वर्षौंसम्म अदालतमा लम्बिने अपेक्षा गरेको बताए।
