मुख्य समाचार
नेपाली कम्युनिस्ट पार्टीका नेता वर्षमान पुनसँग निर्वाचन आयोगले स्पष्टीकरण मागेको छ
नेपाली कम्युनिस्ट पार्टीका नेता वर्षमान पुनसँग निर्वाचन आयोगले स्पष्टीकरण मागेको छ

— प्रचारप्रसार गर्न घरदैलो अभियान संचालनका क्रममा निर्वाचन आचारसंहिता उल्लंघन गरेको आरोपमा रोल्पाबाट प्रतिनिधिसभा सदस्य उम्मेदवार रहेका नेपाली कम्युनिस्ट पार्टीका नेता वर्षमान पुनसँग निर्वाचन आयोगले स्पष्टीकरण मागेको छ।

रोल्पास्थित मुख्य निर्वाचन अधिकृतको कार्यालयका अनुसार उम्मेदवार पुनमाथि विद्यालय परिसरमा चुनावी कार्यक्रम संचालन गरेको आरोप लागेको हो। चुनाव प्रचारप्रसार गर्न विद्यालय हाताभित्र बाजागाजा बजाएर नाचगान समेत गरेको पुनमाथि आरोप लागेको छ।

कार्यालयका अनुसार निर्वाचन आयोगले उजुरी परेको उल्लेख गर्दै पुनसँग स्पष्टीकरण मागिएको जनाएको हो।

रोल्पाका सहायक प्रमुख जिल्ला अधिकारी एवं निर्वाचन आचारसंहिता अनुगमन अधिकृत घनश्याम गौतमले आयोगले उम्मेदवार पुनसँग सोधेको स्पष्टीकरण बारेमा जिल्लामा जानकारी आइपुगेको बताए ।

आयोगले पुनसँग 'तपाईंले विद्यालय परिसरमा नाचगान तथा अन्य प्रचारप्रसार कार्यक्रम गर्नुभएको कार्यले आचारसंहिताको उल्लंघन हुन्छ वा हुँदैन ? यदि, तपाईंले आचारसंहिताको उल्लंघन गर्नु भएको प्रमाणित भएमा तपाईंलाई आचारसंहिता र प्रचलित निर्वाचन कानुनबमोजिम किन कारबाही गर्नु नपर्ने हो ?' भन्ने व्यहोराको पत्र बुझाएको हो।

उक्त व्यहोराको पत्र जिल्लास्थित निर्वाचन आचारसंहिता अनुगमन कार्यालयमा पनि प्राप्त भएको गौतमले बताए । त्यसबारे कारवाही अघि बढाइएको उनले बताए ।

पूर्वमन्त्री समेत रहेका पुन घरदैलो अभियानका क्रममा रोल्पाको परिवर्तन गाउँपालिकामा पुग्दा विद्यालय परिसरमा कार्यक्रम आयोजना गरेको, उनीसँग पुगेका नेताले सरकारी गाडीको प्रयोग गरेको लगायत गुनासो गर्दै स्थानीय एवं विपक्षी कार्यकर्ताले सामाजिक सञ्जालमार्फत विरोध जनाएका थिए। पुन त्यहाँ एक साताअघि पुगेका थिए।

यसैबीच जिल्लास्थित मुख्य निर्वाचन अधिकृत विनोद खतिवडाले सबै दलका नेता र उम्मेदवारलाई बोलाएर आचारसंहिता बारे अन्तरक्रिया गरिएको र उल्लंघन हुनबाट सचेत गराइएको बताए । उनले कुनै पनि स्थानमा कसैले पनि आचारसंहिता उल्लंघन गरेमा तत्काल उजुरी गर्न आग्रह पनि गरे।

प्रमुख जिल्ला अधिकारी गंगाबहादुर क्षत्रीले निर्वाचनको सुरक्षा व्यवस्थापन गम्भीरतापूर्वक गरिएको बताए । उनका अनुसार निर्वाचन सुरक्षाको लागि नेपाली सेनासहित नेपाल प्रहरी, सशस्त्र प्रहरी बल र निर्वाचन प्रहरीलाई खटाउने योजना बनेको बताए ।

प्रतिक्रिया दिनुहोस्
अन्य समाचारहरु
: राष्ट्रपति रामचन्द्र पौडेलले राष्ट्रिय विभूति शङ्खधर साख्वाद्वारा प्रवर्तन गरिएको नेपाल संवत् नेपालको मौलिक संवत्का रुपमा रहेको बताएका छन्। नेपाल संवत् ११४७ को अवसरमा आज शुभकामना सन्देश जारी गर्दै राष्ट्रपतिले लिच्छवी राजा राघवदेवको समयमा काठमाडौँ उपत्यकामा रहेका किसान तथा गरीब जनतालाई ऋणमुक्त गरी शङ्खधरले नयाँ युगको सुरुवात गरेको सम्झनामा यस संवत्लाई प्रचलनमा ल्याइएको स्मरण गरेका ...
: मोरङको जहदा गाउँपालिकामा वैवाहिक सम्बन्ध बाहिरको प्रेम सम्बन्धले गम्भीर रूप लिँदा एक पुरुषको हत्या भएको छ। श्रीमतीको अर्कै पुरुषसँग प्रेम सम्बन्ध रहेको थाहा पाएपछि उत्पन्न विवादका कारण श्रीमतीले आफ्नै भारतीय प्रेमीसँग मिलेर श्रीमानको हत्या गरेको प्रहरीको प्रारम्भिक अनुसन्धानबाट खुलेको हो। जहदा गाउँपालिका–२ मोहनपुरका ४० वर्षीय बुधराम सोरेनको हत्या आरोपमा प्रहरीले उनकी ३५ वर्षीया श्रीमती ...
: नेकपा (एमाले)का अध्यक्ष केपी शर्मा ओलीले सामाजिक सद्भाव कायम गर्दै देशमा शान्ति सुव्यवस्था कायम गर्नुपर्ने बताएका छन्। तिहार, नेपाल संवत् ११४५ (न्हूदँ)तथा छठ पर्वको अवसरमा सोमबार भक्तपुरमा आयोजित कार्यक्रममा अध्यक्ष ओलीले झुट र विध्वंसप्रति आपत्ति जनाएका हुन्। उनले समाजमा झुट बोल्ने, राष्ट्रिय सम्पत्तिमा आगो लगाउने र लुटपाट गर्ने जस्ता कार्यले विश्वभरि नै नेपाली जातिको बेइज्जत ...
: कपिलवस्तुमा बसको ठक्करबाट एक वृद्धको मृत्यु भएको छ। हुलाकी सडकखण्डअन्तर्गत कपिलवस्तुको वर्गदामा तौलिहवाबाट बहादुरगञ्जतर्फ जाँदै गरेको लु १ ख ९७२६ नम्बरको बसले ठक्कर दिँदा कपिलवस्तु नगरपालिका–३ लक्ष्मीनगर निवासी ७७ वर्षीय लखन अहिरको मृत्यु भएको प्रहरीले जनाएको छ। बसको ठक्करबाट गम्भीर घाइते भएका अहिरलाई उपचारका लागि जिल्ला अस्पताल तौलिहवा पुर्‍याइएको थियो। अस्पतालका चिकित्सकले उनलाई मृत घोषणा गरेको ...
: नेपाली कांग्रेसका उपसभापति मधु आचार्यले वर्तमान सरकार प्रतिशोध, क्रोध, भय र भ्रमबाट सञ्चालन भइरहेको आरोप लगाएका छन्। काठमाडौंमा आयोजित एक कार्यक्रममा आचार्यले सरकार गठन भएको ६ महिना नपुग्दै पारदर्शितामाथि गम्भीर प्रश्न उठ्न थालेको बताए। उनले सरकारको कार्यशैली, निर्णय प्रक्रिया र सरोकारवालासँगको संवाद अभावले मुलुकमा विचौलियाहरू हाबी हुने अवस्था सिर्जना भएको उल्लेख गरे। त्यस्तै उनले कार्यकारी र ...