— प्रथम पृथ्वीनारायण गोल्डकपको फाइनलमा नेपाल पुलिस क्लब र चित्लाङ फुटबल क्लब खेल्ने भएका छन् ।
गोरखा–१० छेवेटारस्थित खेलमैदानमा बिहीबार भएको दोस्रो सेमिफाइनले भगवती क्लब टोखालाई ३–० गोल अन्तरले हराउँदै चित्लाङ फुटबल क्लब फाइनल पुगेको हो ।
खेलको ५३ र ७६ मिनेटमा चित्लाङका माटिन बावु टुन्डेले २ गोल गर्दै टिमलाई अग्रता दिलाएका थिए भने ९० मिटेनमा चेतन कुमार लिम्वुले गोल गरेका थिए । चित्लाङका टुन्डे खेलको प्लयेर अफ द म्याच पनि भए ।
त्यस्तै बुधबारको खेलमा आयोजक गोरखा स्पोर्टस काउन्सिललाई ३–० गोल अन्तरले हराउँदै नेपाल पुलिस क्लब फाइनलको प्रवेश गरिसकेको छ ।
माघ २४ गतेबाट भएको प्रतियोगितामा ८ टिमको सहभागिता रहेको थियो । फाइनल खेल शनिबार छेवेटार खेलमैदानमा हुने छ ।
प्रतियोगिताको विजेता टिमले ८ लाख नगद पुरस्कार पाउने छ । उपविजेताले चार लाख पाउने छ । व्यक्तिगत विधा तर्फ उत्कृष्ट खेलाडी, उच्च गोलकर्ता, उत्कृष्ट गोलकिप्पर र उत्कृष्ट प्रशिक्षकलाई पनि पुरस्कारको व्यवस्था गरिएको छ ।
जिल्ला खेलकुद विकास समितिको आयोजनामा भएको प्रतियोगिताले स्थानीय प्रतिभा उजागर गर्नुका साथै गोरखको खेलकुद पहिचानलाई राष्ट्रिय स्तरमा स्थापित गर्न महत्वपूर्ण भूमिका खेल्ने अपेक्षा लिइएको छ ।
