— पोखरामा जारी २५ औं आहा–रारा पोखरा गोल्डकप फुटबल प्रतियोगिताअन्तर्गत बिहीबारको खेलमा खेलमा मनाङ मर्स्याङ्दी क्लबले विभागीय टोली एपीएफ एफसीलाई २–१ गोलले पराजित गरेको छ ।
पोखरा रंगशालामा भएको प्रतिस्पर्धात्मक खेलमा मनाङले दोस्रो हाफमा उत्कृष्ट पुनरागमन गर्दै महत्त्वपूर्ण जित निकालेको हो ।
खेलकोपहिलो हाफमा एपीएफले लिएको अग्रता जोगाउन नसक्दा प्रतियोगिताबाट बाहिरिनुपर्यो । खेलको ११ औं मिनेटमा एपीएफका युवराज राईले गोल गर्दै टोलीलाई अग्रता दिलाएका थिए । उक्त गोलसँगै एपीएफले खेलको गति आफ्नो पक्षमामोड्ने संकेत देखाएको थियो । तर अग्रता धेरैबेर टिक्न सकेन । दोस्रो हाफ भने निकै रोमाञ्चक बन्यो ।
मनाङले त्यसपछि खेलमा फर्किन दबाब बढायो ।५७औं मिनेटमा रोनिश ढेके राजभाकले बराबरी गोल फर्काउँदै खेललाई १–१ को अवस्थामा ल्याए । उक्त गोलपछि मनाङ थप आक्रामक बनेको थियो । खेलको ७७ औं मिनेटमा सुरेश कुमालले गोल गर्दै टोलीलाई २–१ को जित दिलाए ।
एपीएफलेपहिलो हाफमा केही राम्रा अवसर सिर्जना गरे पनि विपक्षी गोलरक्षकको सतर्कतार डिफेन्सको मजबुतीका कारण जाली हल्लिन सकेन । एपीएफले मध्यफंक्तिबाट आत्रमण बुन्ने प्रयास गरे पनि मनाङको रक्षापंक्तिले राम्रो समन्वय देखायो ।
६ पल्टको उपाधि विजेता मनाङले ४ फागुनमा भारतको थन्डरबोल्ट नर्थ युनाइटेडसँग क्वाटरफाइनल खेल्नेछ। शुक्रबार फ्रेन्ड्स क्लब र प्लानिङ ब्वाइज युनाइटेडबीच अन्तिम प्रिक्वाटर हुनेछ ।
