— म्यासेजिङ एपहरुमा कडाई गर्दै आएको सले ह्वाट्स एपमाथि प्रतिबन्ध लगाउने तयारी गरेको छ । मेटाको स्वामित्वमा रहेको ह्वाट्स एपका झन्डै १० करोड प्रयोगकर्ता रुसमा रहेको कम्पनीले जनाएको छ ।
रुसले सरकारी निगरानी बढाउन सुरु गरेको छ । ‘१० करोडभन्दा धेरै प्रयोगकर्तालाई गोप्य र सुरक्षित सञ्चारमाध्यम टाढा गर्न खोज्नु प्रतिगामी कदम हो । यसले रुसी जनतालाई असुरक्षित बनाउने काममात्रै गर्छ, ’ ह्वाट्स एपले विज्ञप्ति जारी गर्दै भनेको छ, ‘हामी आफ्ना प्रयोगकर्ताहरुलाई सम्पर्कमा राख्नका लागि सके जति प्रयास गर्नेछौं ।’
केही समयअघिमात्रै सुरक्षा कारण देखाएर रुसले टेलिग्रामलाई कडाई गरेको थियो । रुसमा टेलिग्रामका प्रयोगकर्ताको संख्या ह्वाट्स एप बराबर नै रहेको छ । यस विषयमा रुसी राष्ट्रपतिको कार्यालय क्रेमलिनले टिप्पणी गर्न अस्विकार गरेको छ ।
रुसको सञ्चार नियामक रोस्कोमान्डजोरले स्थानीय कानुन पालना गर्नका लागि ह्वाट्स एपलाई पटक–पटक चेतावनी दिदैं आएको छ । सरकारी सञ्चारमाध्यम तास मिडियाले ह्वाट्स एपमाथि प्रतिबन्ध लाग्नसक्ने जानकारी यसै वर्षको सुरुवातमा दिएको थियो ।
‘मेटा अतिवादी संस्था हो । त्यहीकारण यस्तो मापदण्ड न्यायसंगत नै छ,’ रुसी अधिकारी आन्द्रेई स्भित्सोफले भनेका भनेका थिए ।
ads/6800x1100bannergalaxy-s25-ultraasmi-0822026100513.jpg
सन् २०२२ मा मेटालाई अतिवादी संस्थाको सुचीमा राखिएपछि इन्स्टाग्राम र फेसबुक बन्द गरिएको थियो । यी एपहरु भर्चुअल प्राइभेट नेटवर्क (भिपिएन) प्रयोग गरेरमात्रै खोल्न मिल्छ ।
रुसले आफ्ना नागरिकहरुले म्याक्स नाम सरकारी सञ्जाल प्रयोग गरेको हेर्न चाहेको छ । ह्वाट्स एप र टेलिग्राम दुबैले रुसी प्रयोगकर्ताहरुको डाटा देशमा राख्न नमानेको रुसको दाबी छ । रुसी कानुनले डाटा देशभित्रै रहनुपर्ने उल्लेख छ ।
देशमा निर्माण हुने सबै नयाँ डिभाइसमा म्याक्स एप पहिल्यै इन्स्टल गर्नका लागि रुसी अधिकारीहरुले सन् २०२५ यता मोबाइल कम्पनीहरुलाई दबाब दिदैं आएका छन् । सरकारी कर्मचारी, शिक्षक, विद्यार्थीलगायतले यस प्लेटफर्म प्रयोग गर्नुपर्ने आश्वयकता छ । किनकी, सरकारी कार्यालय र शैक्षिक संस्थानमा यही एप चल्छ ।
टेलिग्रामका प्रमुख कार्यकारी पाभेल डुरोभले रुस सरकारले आफ्नै एप प्रयोग गर्नका लागि मानिसहरुलार्य बाध्य पारेको बताए । निगरानी गर्न र राजनीतक सेन्सरसिप गर्नका लागि यस्तो कदम चालिएको आरोप उनले लगाए । ‘जनताको स्वतन्त्रता कुण्डित गर्नु कहिल्यै सही जवाफ होइन,’ डुरोभले भने ।
