— युरोपेली संघ (ईयू) का प्रमुख निरीक्षक इभर्स इजाब्सले बंगलादेशको निर्वाचनलाई लोकतन्त्रको ठूलो दिनका रुपमा व्याख्या गरेका छन् ।
ढाका विश्वविद्यालयस्थित कर्जन हल मतदान केन्द्र र सिद्धेश्वरी गल्र्स कलेज निरीक्षणपछि पत्रकारहरूसँग बोल्दै उनले यस्तो प्रतिक्रिया दिएका हुन् । उनले निर्वाचन निष्पक्ष र स्वतन्त्र हुने अपेक्षा व्यक्त गरे ।
ईयूले २०० जना निरीक्षक यस निर्वाचनका लागि परिचालन गरेको छ । बंगलादेशको प्रमुख सल्लाहकार कार्यालयका अनुसार कुल ३९४ अन्तर्राष्ट्रिय निरीक्षक र १९७ विदेशी पत्रकारले निगरानी गरिरहेका छन् ।
पाकिस्तान, भुटान, श्रीलाङ्का, नेपालसहित २१ देशका प्रतिनिधि यस निर्वाचनको पर्यवेक्षणमा छन् । शनिबार निर्वाचनको प्रारम्भिक प्रतिवेदन सार्वजनिक हुने इजाब्सले बताए ।
