मुख्य समाचार
जापानी प्रधानमन्त्री ताकाइचीको राजनीतिक यात्रा
जापानी प्रधानमन्त्री ताकाइचीको राजनीतिक यात्रा

— ७ मार्च १९६१ मा नारा क्षेत्रको यामाटोकोरियामा शहरमा एक मध्यमवर्गीय परिवारमा ताकाइचीको जन्म भएको थियो ।

उनका बाबु दाईक्यु ताकाइची टोयटा ब्रान्डसँग आबद्ध एक अटोमोबाइल कम्पनीमा काम गर्थें । आमा काचुको ताकाइची नारा क्षेत्रको प्रहरी दस्तामा थिइन् । उनले नारा क्षेत्रीय यनिवी हाईस्कुलबाट उच्च शिक्षा हासिल गरेकी हु्न् । त्यसपछि उनले कोवे विश्वविद्यालयमा पढ्न थालिन् ।

विश्वविद्यालयमा पढ्दा उनी हेभी मेटल ब्यान्डकी सदस्य थिइन् । विजनेश एड्मिनिस्ट्रेशनमा स्नातक गरेपछि उनले मात्सुस्हिता इन्स्टिच्युट अफ गभर्मेन्ट एन्ड म्यानेजमेन्टमा भर्ना भइन् । त्यहाँबाट छात्रवृत्ति पाएर सन् १९८७ मा अमेरिका गइन् ।

जहाँ उनले डेमोक्रेटिक पार्टीकी कंग्रेसवुमन प्याट सोर्डोरको सहयोगीका रुपमा काम गरिन् । १९८९ मा जापान फर्किएर उनले संसदीय विश्लेषकका रुपमा काम गरिन् । १९८९ मा उनी टिभी आसीकी प्रस्तोता थिइन् । त्यसपछि फुजी टेलिभिजनमा बिहानीको जानकारीमुलक कार्यक्रम ‘असा दो नारु’ सञ्चालन गरिन् ।

१९९२ मा उनले पहिलोपटक जापानको माथिल्लो सदनमा स्वतन्त्र उम्मेदवारी दिएकी थिइन् । तर चुनाव हारिन् । अर्को वर्ष तल्लो सदनमा चुनाव जितिन् । उनले सन् २००६ मा सिन्जो अबेको क्याबिनेटमा विज्ञान तथा प्रविधि नीति मन्त्रालय, युवा तथा लैगिंक समानता मन्त्रालयलगायत विभिन्न मन्त्रालय सम्हालिन् । सन् २०१२ मा एलडिपीको विजयपछि उनी पार्टीको नीति अनुसन्धान परिषद्की प्रमुख थिइन् ।

उग्रदक्षिणपन्थी लाइनकी ताकाइचीले जापानको साम्राज्यकालीन विरासतको वकालत गर्छिन् । उनले जापानको सैन्य शक्ति बलियो बनाउनुपर्ने बताउँदै आएकी छिन् ।

सेप्टेम्बर २०२५ मा पार्टीभित्रको अन्तरकलह तथा जनविरोधपछि प्रधानमन्त्री सिगेरु इसिबाले राजीनामा गरे । यसपछि, ४ अक्टुबरमा साने ताकाइची लिबरल डेमोक्रेटिक पार्टी (एलडिपी) को संसदीय दलको अध्यक्ष बनिन् । यसले उनलाई जापानको इतिहासकै पहिलो महिला प्रधानमन्त्री बन्ने बाटो खोल्यो ।

२१ अक्टुबरमा प्रधानमन्त्री बनेलगत्तै ताकाइचीले मध्यावधि चुनाव घोषणा गरिन् । जबकी, संसद्मा उनको पार्टीसँग बहुमत कायमै थियो । उनले बहुमत नआए प्रधानमन्त्रीबाट राजीनामा दिने घोषणा समेत गरेकी थिइन् ।

ताकाइचीको यो जोखिम सफल भएको छ । उनको पार्टी आइतबार सम्पन्न निर्वाचनमा दुई तिहाई सिटसहित विजयी भयो । जापानको तल्लो सदनमा दोस्रो विश्वयुद्धपछि कुनै पनि पार्टीले दुई तिहाई ल्याएको यो पहिलोपटक हो ।

ताकाइचीको विजयले संविधान संशोधनको बहसलाई राजनीतिको केन्द्रमा ल्याएको छ । दोस्रो विश्वयुद्धपछिको जापानको संविधानको धारा ९ मा उल्लेख गरिएको ‘शान्तिप्रतिको प्रतिबद्धता’ ले विश्वमा उसको विशिष्ट छवि छ ।

तर, ताकाइचीले यसमा सुधार गरेर जापानलाई बलियो सेनाको देश बनाउने लक्ष्य राखेकी छिन् । जापानले प्रमुख राष्ट्रिय सुरक्षा दस्तावेजहरु नवीकरण गर्ने, हतियार निर्यात प्रतिबन्ध अन्त्य गर्ने र रक्षा खर्च वृद्धि गर्ने प्रतिवद्धता उनको छ ।

ताकाइचीले सर्वसाधारणमाथि आर्थिक दबाब घटाउन कर कटौती गर्ने बताएकी छिन् । घरभाडा र दैनिक सामाग्रीको चर्को मूल्य तिरिरहेका जापानीहरुलाई यसबाट राहत मिल्नेछ । उनले अतिरिक्त खर्च जुटाएर जापानी अर्थतन्त्रलाई बढावा दिने वाचा गरेकी छिन् ।

मध्य फेब्रअरीमा संसद् बैठक सुरु हुनासाथ उनले बजेट विधेयकका लागि काम गर्नुपर्ने छ । न्युन आय र बढ्दो मूल्यवृद्धिले दैनिक जीवनमा निम्त्याएका समस्या समाधान गर्नेगरी बजेट ल्याउनु उनको सरकारको प्रमुख चुनौती हो ।

जापानमा अस्थिर राजनीति चलिरहेका बेला ४ अक्टुबर २०२५ मा एलडिपीको अध्यक्ष चुनिएकी ताकाइची २१ अक्टुबरमा संसद्मा बहुमत जुटाएर पहिलो महिला प्रधानमन्त्री बनिन् । लगत्तै संसद्को पूर्ण कार्यकाल नसकिदैं नयाँ निर्वाचन घोषणा गरिन् ।

ताकाइचीले अमेरिकासँगको जापानको सुरक्षा सम्बन्धलाई थप प्रगाढ बनाउन चाहेकी छिन् । अमेरिका, अस्ट्रेलिया र बेलायतसँग मिलेर गोप्य सुचनाहरु संकलन तथा साझेदारी गर्ने उनको लक्ष्य छ ।

यसका लागि उनी जापानमा राष्ट्रिय गुप्तचर एजेन्सी स्थापना गर्न चाहन्छिन् । जापानमा जासूसी गर्नेहरुलाई कडा कारबाही गर्ने नियम बनाउने उनको एजेन्डाले मानवअधिकारलाई नजरअन्दाज गर्नसक्ने आलोचकहरुको तर्क छ ।

अमेरिकी राष्ट्रपति डोनाल्ड ट्रम्पको आग्रहपछि उनले जापानको सुरक्षा खर्च बढाएर आगामी मार्चसम्म कुल ग्राहस्थ उत्पादनको २ प्रतिशत पुर्‍याउने भएकी छिन् । उनी आगामी मार्चमा अमेरिका भ्रमणमा जाँदैछिन् ।

ताइवानमा चीनले सेना परिचालन गरेमा जापानले पनि त्यसको जवाफ दिने अभिव्यक्ती उनले नोभेम्बरमा दिएकी छिन् । चीनले यसमा आपत्ति जनाउँदै आएको छ । एक चीन नीतिप्रतिको प्रतिबद्धताबाट जापानलाई पछि नहट्न सजग पनि गराएको छ ।

आप्रवासी र विदेशीका लागि पनि कडा नीतिहरु ल्याउने उनको लक्ष्य छ । जापानी राजदरबारको पुरुषमात्रै उत्तराधिकारी हुन पाउने नियमलाई उनले समर्थन गर्दै आएकी छिन् । त्यस्तै समलिङ्गी विवाहविरुद्ध उभिएकी छिन् ।

उनले गत वर्ष संकट व्यवस्थापन लगानी योजना अघि सारेकी थिइन् । जसमा खाद्यान्न, उर्जा, सुरक्षा र आपुर्ति चक्रजस्ता १७ वटा रणनीतिक क्षेत्र समावेश छन् ।

प्रतिक्रिया दिनुहोस्
अन्य समाचारहरु
। जापानकी प्रधानमन्त्री साने ताकाइची आगामी हप्ता चीन र फिलिपिन्सको भ्रमणमा जाने भएकी छन्। प्रधानमन्त्री बनेपछि उनको यो पहिलो चीन भ्रमण हुनेछ । भ्रमणका क्रममा क्षेत्रीय आर्थिक सहकार्य, व्यापार तथा चीनसँगको सम्बन्धका विषयमा छलफल हुने अपेक्षा गरिएको छ । उपमुख्य मन्त्रिपरिषद् सचिव मसानाओ ओजाकीका अनुसार ताकाइचीले नोभेम्बर १६ देखि १९ सम्म दुई देशको भ्रमण गरी दक्षिणपूर्वी ...
: शनिबार राति जापानमा ५.७ म्याग्निच्युडको भूकम्प गएको छ। भूकम्पबाट कम्तिमा २२ जना घाइते भएका छन्। धेरै पसलका झ्यालहरू फुटेका छन्। शक्तिशाली भूकम्पका कारण मानिसहरू आफ्नो घर र भवनहरूबाट भाग्न बाध्य भएका थिए। जापान मौसम विज्ञान एजेन्सीका अनुसार भूकम्पको केन्द्रबिन्दु शिजुओका प्रिफेक्चरमा जमिनबाट ४० किलोमिटर मुनि थियो भने सबैभन्दा शक्तिशाली भूकम्प आइची प्रिफेक्चरमा महशुस गरिएको ...
: हिमाल आरोहणका क्रममा मृत्यु भएका दुई जना जापानी नागरिकको अन्त्येष्टि गरिएको छ। बौद्ध परम्पराअनुसार आइतबार उनीहरूको अन्त्येष्टि गरिएको हो। उनीहरूको शव मराजगञ्जस्थित शिक्षण अस्पतालमा पोष्टमार्टमका लागि राखिएको थियो। टोकियोबाट मृतकका आफन्त आएपछि नेपालस्थित जापानी दूतावासको रहोवरमा पोष्टमार्टम भएको थियो। पोष्टमार्टमपश्चात आइतबार स्वयम्भुमा उनीहरूको अन्त्येष्टि गरिएको हो। अन्त्येष्टिमा उनीहरूका आफन्त, दूतावासका प्रतिनिधि र ट्रेकिङ एजेन्सीका अधिकारीहरूको उपस्थिति ...
: जापानका पूर्वप्रधानमन्त्री यासुओ फुकुदाको ९० वर्षको उमेरमा निधन भएको छ। सत्तारूढ लिबरल डेमोक्रेटिक पार्टीले उनको निधन भएको जानकारी दिएको छ। स्रोतका अनुसार, फुकुदाको गत बिहीबार मुटुको कार्यविफलता (हार्ट फेलियर)का कारण टोकियोमा निधन भएको हो। उनको अन्त्येष्टि परिवारका निकट सदस्यहरूको उपस्थितिमा निजी रूपमा सम्पन्न भइसकेको छ भने सार्वजनिक श्रद्धाञ्जली सभा पछि आयोजना गरिनेछ। फुकुदा सेप्टेम्बर २००७ मा ...
: मनाङको गंगापूर्ण हिमाल आरोहणका क्रममा बेपत्ता भएका दुईजना जापानी नागरिकको शव फेला परेको छ। मनाङको डिस्याङ गाउँपालिका वडा नम्बर ६ मा पर्ने उक्त हिमाल आरोहणका क्रममा उनीहरू बेपत्ता भएका थिए। जापानको टोकियो निवासी दुईजना पर्वतारोहीको शव शुक्रबार फेला परेको हो। उनीहरूको शव काठमाडौं ल्याउने तयारी भइरहेको छ। काठमाडौंमा पोस्टमार्टम गरेपछि नेपालस्थित जापानी ...