: आइसीसी टी-२० विश्वकपमा इङ्ल्यान्डविरुद्ध ४४ रन हान्दै दीपेन्द्र सिंह ऐरीले २ हजार रन पूरा गरेका छन्।
इङ्ल्यान्डले दिएको १८५ रनको विजयी लक्ष्य पछ्याएको नेपालका लागि चौथो क्रममा ब्याटिङ गर्न आएका दीपेन्द्रले २९ बलमा ६ चौका र १ छक्का प्रहार गर्दै ४४ रनमा क्याच आउट भए। उनलाई साम करनले टम ब्यान्टनको हातमा क्याच गराएका हुन्।
टी-२० अन्तर्राष्ट्रियमा ७९औं इनिङ्समा उनले १ शतक र १० अर्धशतकसहित २ हजार रनको कोशेढुंगा पूरा गरेका हुन्। २ हजार रन पूरा गर्ने नेपालका उनी पहिलो ब्याटर हुन्।
