मुख्य समाचार
भारतको कोइलाखानी विस्फोटमा खोटाङका दुई दाजुभाइको ज्यान गयो
भारतको कोइलाखानी विस्फोटमा खोटाङका दुई दाजुभाइको ज्यान गयो

: वैदेशिक रोजगारीको नाममा जोखिमपूर्ण र असुरक्षित श्रम गर्न बाध्य नेपाली युवाहरूको पीडा फेरि एकपटक भारतको मेघालयमा दोहोरिएको छ। खोटाङको बराहपोखरी गाउँपालिका-१ सालघारी भञ्ज्याङका एकै घरका दुई दाजुभाइले भारतको कोइलाखानीमा ज्यान गुमाएपछि परिवारमात्र होइन, सिंगो गाउँ शोकमा डुबेको छ।



विपन्न परिवारका २७ वर्षीय पूर्णबहादुर खपाङ्गी मगर र २४ वर्षीय सुरेन्द्र खपाङ्गी मगर गत पुस ३ गते रोजगारीको खोजीमा भारतको मेघालय गएका थिए। मेघालयस्थित उम्साङघाटमा सञ्चालित कोइलाखानीमा बिहीबार भएको विस्फोटमा परेर उनीहरूको घटनास्थलमै मृत्यु भएको बराहपोखरीका स्थानीय देवी रेग्मीले बताए।



पैसा कमाएर घरको आर्थिक अवस्था सुधार्ने सपना बोकेर परदेश गएका दुवै छोराको अकालमै ज्यान गएपछि परिवार बिचल्लीमा परेको बराहपोखरी गाउँपालिका-१ का वडाध्यक्ष ढकबहादुर कार्कीले बताए। घरमा वृद्ध बुबा-आमा, कान्छो छोरा, जेठा छोराकी श्रीमती र सानो बच्चा रहेका छन्। दुई कमाउने हात गुम्दा परिवारमाथि ठूलो बज्रपात परेको उनको भनाइ छ।



घटनाको जानकारी पाएपछि मृतक दाजुभाइकी आमासहित आफन्तहरू शव लिन शुक्रबार भारत प्रस्थान गरेका छन्। सोही विस्फोटमा बराहपोखरी भञ्ज्याङका बमबहादुर खपाङ्गी मगर, कर्णबहादुर खपाङ्गी मगर, नरबहादुर खपाङ्गी मगर र उदयपुर साउनेका ललितबहादुर मगर गम्भीर घाइते भएका छन्। मेघालय पुगेका सात जनाको टोलीमध्ये बराहपोखरी वालम्पाका ताराबल मगरमात्र सकुशल रहेका छन्। विस्फोटपछि ताराबलले नै फोनमार्फत घटनाबारे जानकारी गराएका थिए।

बराहपोखरीसहित खोटाङका विभिन्न ठाउँका युवा हिउँदको समयमा रोजगारीको खोजीमा मेघालय जाने गरेको छन्। तर, असुरक्षित कोइलाखानीमा काम गर्दा उनीहरूको ज्यान जोखिममा पर्ने गरेको तथ्य यस्ता घटनाले पटक-पटक उजागर गरिरहेको छ।

भारतीय सञ्चार माध्यमका अनुसार कोइलाखानीमा विस्फोटमा परी ज्यान गुमाउनेको संख्या १८ पुगेको छ। घटनाबारे विस्तृत विवरण अझै सार्वजनिक भएको छैन। घटनाप्रति भारतीय प्रधानमन्त्री नरेन्द्र मोदीले दुःख व्यक्त गर्दै मृतकका परिवारलाई २ लाख भारु र घाइतेलाई ५० हजार भारुका दरले उपचार खर्च उपलब्ध गराउने घोषणा गरेका छन्।

प्रतिक्रिया दिनुहोस्
अन्य समाचारहरु
: न्युजिल्यान्ड नेपाल चेम्बर अफ कमर्स (एनजेडएनसीसी) ले अकल्यान्डमा आफ्नो १०औं वार्षिकोत्सव मनाएको छ। ‘क्लाइम्बिङ न्यु हाइट्स’ अर्थात् ‘नयाँ उचाइतर्फको यात्रा’ भन्ने नाराका साथ आयोजित कार्यक्रममा नेपाल र न्युजिल्यान्डबीच सरकारी तह (जीटुजी) तथा निजी क्षेत्र (बीटुबी) मार्फत सहकार्यका सम्भावना अघि बढाउने विषयमा छलफल गरिएको छ। अकल्यान्ड सिटीस्थित अकल्यान्ड बिजनेस चेम्बरमा आयोजित कार्यक्रममा दुई देशबीच आर्थिक ...
। बेलायत अन्तर्राष्ट्रिय विद्यार्थीका लागि लोकप्रिय गन्तव्यहरूमध्ये एक मानिन्छ । तर, सरकारको कठोर अध्यागमन नीतिका कारण अहिले यहाँ आउने विदेशी विद्यार्थी क्रमशः घट्न थालेको तथ्यांकले देखाएका छन् । बेलायत पढ्न आउने नेपालीसहित अन्तर्राष्ट्रिय विद्यार्थीहरुको संख्यामा ठूलो गिरावट आएको छ । बेलायती गृह मन्त्रालय (होम अफिस) का अनुसार, यस वर्ष अक्टोबर २०२६ अन्त्यसम्म अध्ययन भिजा मुख्य आवेदक संख्या ...
। लन्डनमा शनिबार सम्पन्न प्रतिष्ठित ‘लर्ड मेयर शो’ परेडमा गोर्खाली विरासत र नेपाली कला, संस्कृति तथा परम्पराको विशेष प्रदर्शनी गरिएको छ। लन्डन सिटीका नयाँ लर्ड मेयरको नियुक्तिको अवसरमा आयोजित ऐतिहासिक परेडमा प्रतिभा नक्षत्रको संयोजनमा नेपाली समुदायले गोर्खाली इतिहास, वीरता र नेपालको सांस्कृतिक विविधता झल्काउने प्रस्तुति गरेको हो। करिब सात हजार जना सहभागी उक्त परेडको करिब तीन माइल ...
— बेलायतको रश्मूर क्षेत्रमा बसोबास गर्ने नेपाली समुदायले एकैदिन गोर्खाली सैनिकहरूको वीरताको स्मरण गर्दै देउसी–भैलो खेलेर तिहार मनाएका छन् । ग्रेटर रश्मूर नेपाली कम्युनिटी (जीआरएनसी) को आयोजनामा यस वर्ष पहिलोपटक उनीहरूले कुकुर तिहारसमेत मनाएका छन् । रश्मूर क्षेत्रको अल्डरसटस्थित प्रिन्सेस गार्डेनमा नोभेम्बर ७ मा रिमेम्बरेन्स डे (स्मृति दिवस) को औपचारिक कार्यक्रम आयोजना गरी वीर गोर्खालीको योगदान, ...
। अमेरिकाको भर्जिनिया राज्यमा ममता काफ्लेको हत्या प्रकरणमा उनका पति नरेश भट्ट दोषी ठहर भएका छन् । १० नोभेम्बर २०२६ मा जुरीले भट्टलाई प्रथम श्रेणीको हत्या, शव लुकाएको र शव विकृत बनाएको अभियोगमा दोषी ठहर गरेको अमेरिकी सञ्चारमाध्यमहरूले जनाएका छन् । सीएनएनका अनुसार भट्टले आफ्नी पत्नीको हत्या गरेको अभियोग अस्वीकार गर्दै आएकामा जुरीले उनको दाबी अस्वीकार ...