। प्रधानमन्त्री सुशीला कार्कीले हिमाली क्षेत्रमा फागुन २१ मा चुनाव हुन सम्भव नभए दोस्रो चरणमा गरिने बताएकी छन् ।
मंगलबार नवलपुरको हात्तीखोरस्थित राष्ट्रिय सेवा दल मध्य तालिम शिक्षालयमा आयोजित कार्यक्रममा पुगेकी उनले हिमाली जसल्लामा चिसोका कारण समस्या भए दोस्रो चरणमा निर्वाचन हुने बताएकी हुन् ।
‘यदि हिमाली जिल्लामा हिमपातको अवस्था आएमा दोस्रो चरणमा निर्वाचन हुन्छ’ उनले भनिन् ।
त्यस्तै कार्कीले फागुन २१ मा शान्तीपूर्ण रुपमा निर्वाचन सम्पन्न हुने बताइन् । अहिले पुरै ध्यान निर्वाचनमा केन्द्रित भएको र शान्तिपूर्ण तरिकाले निर्वाचन सम्पन्न हुनेमा विश्वस्त रहेको उनको भनाइ छ ।
‘सवारी साधन संचालन हुने ठाउँमा मतदाताहरुलाई ओसारेर भए पनि निर्वाचन गराउने सरकारको तयारी छ,’ उनले भनिन्, ‘अहिले विशेष परिस्थितिमा निर्वाचन हुँदैछ । निर्वाचनमा करिब ३२ अर्ब खर्च हुन्छ, छिमेकी राष्ट्रबाट पनि सहयोग आएको छ । यदि निर्वाचन नहुने भए त्यो खर्च हामीले अन्य क्षेत्रमा गर्ने थियौँ ।’
उनले शान्तिपूर्ण निर्वाचनका लागि सरकार प्रतिबद्ध रहेको भन्दै निर्वाचनमा सबै नागरिकको उत्सहजन सहभागिता र सहयोग आवश्यक रहेको बताइन् ।
