। सन् २०२६ को ग्रामी रेड कार्पेटमा कलाकारले निकै आकर्षक र अर्थपूर्ण पहिरन प्रदर्शन गरेका छन् । यस पटकको फेसनमा ग्ल्यामरका साथै राजनीतिक सन्देश पनि उत्तिकै बलियो देखिएको छ ।
लेडी गागाले यस पटक म्याटिएरेस फेकालेसको डिजाइनमा सजिएर सबैको ध्यान खिचिन । उनले कालो प्वाँखहरूले भरिएको निकै आकर्षक र भव्य गाउन लगाएकी थिइन्, जसले उनलाई कुनै ‘डार्क एन्जेल’ जस्तै देखाएको थियो ।
पछिल्लो समय निकै चर्चामा रहेकी च्यापल रोनले मुगलरको साहसी र अलि भिन्न शैलीको पहिरन रोजिन् । उनको पहिरन र शैलीले रेड कार्पेटमा निकै हलचल पैदा गरेको थियो ।
ब्याड बनीले सियापारेलीको कस्ट्युम सुट लगाएर इतिहास रचेका छन् । यो यस ब्राण्डले पुरुषका लागि तयार पारेको पहिलो ’हाउटे कुउचर’ लुगा हो । उनको कोटको पछाडिको भागमा तुना बाँधिएको विशेष डिजाइन थियो ।
बिली आइलिसले ‘होडाकोवा’ ब्राण्डको कालो र सेतो पहिरन लगाएकी थिइन् । उनले आफ्नो लुगामा एउटा सानो पिन लगाएकी थिइन् जसमा ‘आइस आउट’ लेखिएको थियो । यो अमेरिकामा भइरहेको आप्रवासी विरोधी कदमको विरुद्धमा ऐक्यबद्धता जनाउन लगाइएको हो । जस्टिन बिबर र हेली बिबरले पनि यस्तै पिन लगाएका थिए ।
सप्रिना कार्पेन्टरले भ्यालेन्टिनाको सेतो र सुन्दर गाउन लगाएकी थिइन् । माइली साइरसले कालो छालाको ज्याकेट र एउटा निकै ठूलो ब्रोच लगाएर ‘रक स्टार’ लुक्स दिएकी थिइन् ।
