: नेकपा (एमाले) कर्णाली प्रदेशसभा संसदीय दलले राष्ट्रिय सभा निर्वाचनमा संयुक्त उम्मेदवारलाई विजयी गराउन अपिल गरेको छ। आज कर्णाली प्रदेशसभा भवनमा बसेको एमाले कर्णाली प्रदेशसभा संसदीय दलको बैठकले माघ ११ गते हुने राष्ट्रिय सभा निर्वाचनमा एमाले र नेपाली कांग्रेसका संयुक्त उम्मेदवारलाई विजयी गराउन अपिल गरेको हो।
एमाले–कांग्रेसका संयुक्त उम्मेदवारमा महिलातर्फ मीनासिंह रखाल र अन्यतर्फ ललितजंग शाही रहेका छन्।
यस्तै बैठकले एमालेको एघारौँ महाधिवेशनबाट मुख्यमन्त्री कँडेल केन्द्रीय सचिव पदमा निर्वाचित भएकोमा हार्दिक बधाई तथा सफल कार्यकालको शुभकामना व्यक्त गरेको छ।
त्यसैगरी बैठकले माघ १८ गतेदेखि सुरु हुने कर्णाली प्रदेशसभाको सातौँ अधिवेशनमा संसदीय दलका सबै सदस्यहरू सक्रिय रूपमा सहभागी भई प्रभावकारी भूमिका निर्वाह गर्ने निर्णय समेत गरेको छ।
