: भारत र श्रीलंकामा संयुक्त रूपमा आयोजना हुने टी–२० विश्वकप २०२६ को खेल भारतमा नखेल्ने बंगलादेशले आफ्नो अडान कायमै राखेको छ। सुरक्षा चुनौतीलाई समस्याका रूपमा देखाएको बंगलादेशले आफूहरूले श्रीलंकामा विश्वकप खेल्न पाउनु पर्ने अडान कायमै राखेको हो।
आईसीसीको बुधबार बसेको बोर्ड बैठकले भारतमा बंगलादेश खेल्न नमानेको खण्डमा स्कटल्यान्डलाई विश्वकपमा सामेल गराउने निर्णय गरेको थियो। यो निर्णय पश्चात् आइसीसीले बंगलादेश सरकारलाई बिहीबारसम्म आफ्नो आधिकारिक निर्णय पठाउन भनेको थियो। तर यो निर्देशनलाई बंगलादेश क्रिकेट बोर्डका अध्यक्ष अमिनुल इस्लामले भने, ‘आइसीसीले दिएको २४ घण्टे अल्टिमेटम मान्य छैन। हामीले यो कुरा लिएर पुनः आईसीसीमा जान्छौँ।’
यदि आइसीसीले बंगलादेशलाई समावेश नगराएको खण्डमा यो उनीहरूकै घाटाको विषय हुने उनले बताए। उनले भने, ‘२० करोड बंगलादेशीले विश्वकप हेर्न पाएनन् भने यो आईसीसीकै घाटाको विषय हो।’
बंगलादेश सरकारका खेलकुद सल्लाहाकार आसिफ नाज्रुल भन्छन्,‘हामी आइसीसीमा पुनः जानेछौँ। हामीलाई आशा छ, आइसीसीले हामीलाई श्रीलंकामा खेल्ने वातावरण मिलाउनेछ ।’
