— फागुन २१ गतेको प्रतिनिधिसभा सदस्य निर्वाचनका लागि प्रदेश प्रहरी कार्यालयले कर्णालीका १० जिल्लामा ३ सय ५१ मतदानस्थलका ४ सय ४१ मतदान केन्द्रलाई अति संवेदनशील सूचीमा राखेकाे छ।
कर्णालीका १ हजार ४ सय ३७ मतदान केन्द्रमध्ये ३ सय १ सामान्य र ६ सय ५१ संवेदनशील सूचीमा राखिएको छ।
प्रदेश प्रहरी प्रमुख डिआईजी माधवप्रसाद श्रेष्ठका अनुसार निर्वाचनमा प्रदेशभर १४ हजार ७ सय १९ जना प्रहरी परिचालन गर्ने तयारी भइरहेको छ ।
‘दुर्गम र हिमाली जिल्ला मात्र नभएर जहाँ अलि प्रभावशाली नेताहरु निर्वाचनमा उठेका छन् त्यहाँ अलि चुनौती नै हुन्छ,’ उनले भने, ‘यसपटक सबै मतदानस्थल सरकारी कार्यालयमा राख्ने तयारी गरेका छौं।’ मतदान केन्द्रमा सिसिटिभी राख्ने योजना पनि भइरहेको उनले बताए।
डिआईजी श्रेष्ठले कर्णालीका कतिपय स्थानमा सडकको अवस्था राम्रो नहुँदा समस्या निर्वाचन गराउन र मतपेटिका ल्याउन हुन सक्ने समस्यालाई मध्यनजर गरी तयारी भइरहेको बताए।
