: साफ फुटसल च्याम्पियनसिपको पुरुषतर्फको खेलमा अन्तिम सेकेन्डमा गोल खाँदा नेपालले भारतसँग अंक बाँडेको छ।
थाइल्यान्डको बैंककस्थित नोनथाबुरी स्टेडियमको फुटसल एरिनामा भएको खेलमा नेपाल र भारतले ३–३ बराबरी खेले ।
नेपालका लागि विक्रम नरसिंह रानाले पहिलो गोल गरे। त्यसको केही सेकेन्डमै नेपालले बराबरी गोल व्यहाेर्याे। भारतका लाल्टुएन्जेलाले बराबरी गोल फर्काए।
नेपालका लागि अमित लामाले दोस्रो गोल गरे। भारतका लागि अनमोल अधिकारीले दोस्रो बराबरी बनाए।
विजय श्रेष्ठले अन्तिम मिनेटमा हानेको गोलबाट नेपालले अग्रता बनाएको थियो। तर केही सेकेन्ड सम्हालिन नसक्दा नेपालले तेस्रो गोल बेहोर्दै भारतसँग अंक बाँड्यो। भारतका लागि निखिल राजेन्द्र मालीले अन्तिम सेकेन्डमा गोल गर्दै नेपालसँग अंक चोर्यो।
नेपालले पहिलो खेलमा श्रीलंकालाई २–१ ले पराजित गरेको थियो। पुरुष टिमले १ जित र १ बराबरीसहित ४ अंक जोडेको हो।
महिलातर्फ भने नेपालले एक जित, एक हार र एक खेलमा अंक बाँडेको हो। नेपाली महिला टिमले ३ खेलबाट ४ अंक जोडेको छ।
