: आईसीसी महिला टी २० विश्वकप ग्लोबल क्वालिफार्यसको पहिलो खेलमा नेपालले टस हारेर ब्याटिङको निम्तो पाएको छ।
किर्तिपुरस्थित त्रिवि क्रिकेट मैदानमा थाइल्यान्डकी कप्तानले टस जितेर बलिङ गर्ने निर्णय लिएकी हुन्।
यस प्रतियोगितामा १० टोलीलाई दुई समूहमा विभाजन गरिएको छ। समूह ‘ए’मा बङ्गलादेश, आयरल्याण्ड, नामिबिया, पपुवान्युगिनी र अमेरिका रहेका छन्। त्यस्तै समूह ‘बी’मा घरेलु टोली नेपालसँगै थाइल्याण्ड, स्कटल्यान्ड, नेदरल्यान्ड र जिम्बाब्बे छन्।
समूह चरणको खेलपछि दुवै समूहबाट शीर्ष तीन टोली सुपरसिक्समा प्रवेश गर्नेछन्। सुपर सिक्सको खेलपछि शीर्ष चारमा रहने टोलीले विश्वकप खेल्नेछन्।
आज ग्लोबल क्वालिफार्यसमा आज ४ खेल रहेका छन्। त्रिवि क्रिकेट मैदानमा पहिलो खेलमा नेपाल र थाइल्यान्ड खेल्नेछन्। त्रिविको दोस्रो खेलमा जिम्बावे र नेदरल्यान्ड्सले खेल्नेछन्।
मूलपानी माथिल्लो मैदानमा पनि आज २ खेल रहेका छन्। पहिलो खेलमा अमेरिका र बंगलादेशले खेल्नेछन्। दोस्रो खेलमा आयरल्यान्ड र पपुवा न्युगिनीले खेल्नेछन्।
नेपालको प्लेइङ ११ :
इन्दु बर्मा (कप्तान), पुजा महतो (उपकप्तान), विन्दु रावल, सम्झना खड्का, काजल श्रेष्ठ, रुबिना क्षेत्री, कविता जोशी, कविता कुँवर, सीता राना मगर, रिया शर्मा र सुमन विष्ट
