— धनकुटा हात्तीखर्कका खेलप्रेमी युवाको सक्रियतामा खेल मैदानकालागि चन्दा संकलनबाट जग्गा खरिद गरिएको छ ।
छथर जोरपाटी १ हात्तीखर्कका युवाले २३ लाख ५० हजार रुपैयाँ चन्दा संकलन गरी टारीमा खेल मैदानकालागि साढे ६ रोपनी जग्गा खरिद गरेका हुन्।
वर्षौदेखि खेल पूर्वाधार अभाव झेल्दै आएका टारी क्षेत्रका युवाले सात महिनादेखि सहयोग संकलन अभियान चलाएका थिए। टारीमेला खेलकुद विकास समिति दर्ता गरी जग्गा खरिद गरेका हुन्।
गाउँघरमा आयोजना हुने फुटबल र भलिबललगायत खेलकुद प्रतियोगिता संचालन गर्न पूर्वाधार अभाव भएपछि सहयोग संकलन अभियान चलाइएको टारीमेला खेलकुद विकास समितिका सदस्य भीमराज लिम्बुले जानकारी दिए।
उनले खेल मैदानकालागि जग्गा खरिद गर्न स्थानीय बासिन्दा, खेलाडी, पूर्वखेलाडी, विदेशमा रहेका युवासमक्ष सहयोगको आहृवान गरेर सहयोग रकम जुटाएको जनाए।
खेल मैदानका लागि जग्गा खरिद गर्न गगन कटवालले १ लाख ५१ हजार रुपैयाा उपलब्ध गराएका छन् । अर्का दाता सुवास तिगेलाले १ लाख २० हजार, आनन्द लिम्बुले १ लाख ११ हजार र समिर लिम्बुले १ लाख १ हजार रुपैयाा सहयोग उपलब्ध गराएका हुन्। जग्गा खरिद गरिएको स्थानमा चरणबद्ध रुपमा खेल पूर्वाधार तयार गर्ने योजना रहेको टारीमेला खेलकुद बिकास समितिका सदस्य भीमराज लिम्बुले जनाए।
छथर जोरपाटी गाउापालिकाले जमिन सम्याउन १ लाख ९० हजार रुपैयाा उपलब्ध गराएको छ । उक्त रकमले समिति मार्फत खेल संचालन गर्न मैदान सम्याउने काम गरिएको लिम्बुले बताए। अहिले टारी खेल मैदानमा अन्तर वडास्तरीय खुल्ला पुरुष भलिबल प्रतियोगिताका साथै महिला फुटबल खेल संचालन भइरहेको छ ।
