: अर्घाखाँचीमा निर्वाचन प्रहरीमा माग संख्या भन्दा कम आवेदन परेको छ।
आउँदो फागुन २१ गते तय भएको प्रतिनिधिसभा निर्वाचनका लागि आह्वान गरिएको निर्वाचन प्रहरी भर्नामा माग भए जति आवेदन नपरेपछि जिल्ला प्रहरी कार्यालय अर्घाखाँचीले २ दिनको म्याद थप गरेको जिल्ला प्रहरी कार्यालय अर्घाखाँचीका प्रमुख डिएसपी दिवस जिसिले बताए।
निर्वाचन प्रहरी कुल १२ सय ६५ जनाका लागि माग भए पनि १ गतेसम्म ९ सय ४५ जनाले मात्र आवेदन राखेपछि आज र भोलिका लागि म्याद थप गरिएको हो। विगतका निर्वाचनमा म्यादी प्रहरीमा भर्ना हुने युवाहरूको आकर्षण बढी भएपनि अहिलेको निर्वाचनमा आकर्षण घटेको हो।
निर्वाचन प्रहरीमा भर्ना हुनेले जिल्ला प्रहरी कार्यालय अर्घाखाँची सन्धिखर्क, सन्धिखर्क सशस्त्र प्रहरी बल नेपाल ३६ नम्बर गुल्म लदाम, इलाका प्रहरी कार्यालय ठाडा र इलाका प्रहरी कार्यालय खनमा फारा भर्न सक्ने व्यवस्था छ। हालसम्म ८ सयको आवेदन परेकाले पुनः आज र भोलीको म्याद थपिएको सूचना अधिकारी झलक शर्माले जानकारी दिए।
