: सरकारले सहकारीमा भएको बेथिति सम्बन्धी छानबिनका लागि जाँचबुझ आयोग गठन गर्ने निर्णय गरेको छ।
सिंहदरबारमा शुक्रबार बसेको मन्त्रिपरिषद् बैठक सहकारीमा भएको बेथिति सम्बन्धी जाँचबुझका लागि पूर्वन्यायाधीश विनोदप्रसाद शर्माको नेतृत्वमा जाँचबुझ आयोग गठन गर्ने निर्णय गरेको सरकारका प्रवक्ता जगदिश खरेलले जानकारी दिए।
बैठकले नेपालमा बाघ तथा मानवसम्बन्ध व्यवस्थापन परियोजनाका लागि विश्व वातावरण सुविधाबाट विश्व वन्यजन्तु कोषमार्फत प्राप्त हुने ३६ लाख २१ हजार ९८३ अमेरिकी डलर बराबरको अनुदान सहायता स्वीकार गर्ने निर्णय गरेको उनले बताए।
त्यस्तै बैठकले प्राविधिक शिक्षा तथा व्यवसायीक तालिम परिषद्को उपाध्यक्ष पदमा महम्मद सफिउल्लाहलाई मनोनयन गर्ने निर्णय गरेको छ।
