: इरानमा भइरहेको राष्ट्रव्यापी विरोध प्रदर्शनप्रति आफ्नो पछिल्लो प्रतिक्रियामा अमेरिकी राष्ट्रपति डोनाल्ड ट्रम्पले इरानी सरकार गम्भीर समस्यामा रहेको बताएका छन्। ट्रम्पले परिस्थितिलाई नजिकबाट नियालिरहेको बताएका हुन्।
उनले भने, "इरानी सरकारले पहिले जस्तै मानिसहरूलाई मार्न थाले भने हामी कारबाही गर्नेछौं भनेर मैले धेरै जोडदार रूपमा भनेको छु। हामी उनीहरूलाई जहाँ सबैभन्दा बढी चोट पुर्याउँछ त्यहाँ प्रहार गर्नेछौं।"
"यसको अर्थ सैन्य उपस्थिति होइन। यसको अर्थ उनीहरूलाई धेरै कडा प्रहार गर्नु हो, जहाँ दुख्छ। त्यसैले हामी त्यस्तो हुन चाहँदैनौं," ट्रम्पले भने ।
इरानमा १३ दिनदेखि सरकार विरोधी प्रदर्शन जारी छ। यो देशको अर्थतन्त्रको कमजोर अवस्थाका कारण सुरु भएको थियो। मानव अधिकार समूहका अनुसार देशभर इन्टरनेट बन्द भएको हिंसामा कम्तीमा ४८ प्रदर्शनकारी र १४ सुरक्षाकर्मीको मृत्यु भएको छ।
