: रौतहट प्रहरीले जिल्लाका विभिन्न स्थानमा रहेका शंकास्पद सवारी साधनको चेकजाँच बढाएको छ । चेकजाँचको पहिलो दिन सोमबार प्रहरीले शंकास्पद अवस्थामा रहेका १६ वटा सवारी साधन नियन्त्रणमा लिएको जिल्ला प्रहरी कार्यालय रौतहटले जनाएको छ ।
प्रहरीले कागजपत्र नभएका ४ वटा जिप र १२ वटा मोटरसाइकल नियन्त्रणमा लिएर सवारी साधनबारे थप अनुसन्धान भइरहेको रौतहटका प्रहरी प्रमुख एसपी रबिन कार्कीले जानकारी दिए।
सवारी साधनका कागजात,प्रयोगको अवस्था तथा अन्य शङ्कास्पद पक्षबारे अनुसन्धान अघि बढाएको प्रहरीले पछिल्लो समय रौतहटमा चोरीको सवारी साधन बढ्दै गएको विशेष सूचनाको आधारमा र नजिकिदै गरेको प्रतिनिधिसभाको चुनावलाई समेत लक्षित गरेर चेकजाँच अभियान चलाएको एसपी कार्कीले बताए ।
भारतसँग सीमा जोडिएको जिल्ला भएका कारण धेरै भारतीय गाडी नेपाल प्रवेश गर्ने तर फिर्ता नजाने अनि तीनै गाडीहरू गैरकानुनी काममा प्रयोग हुँदै आएको पाइएको छ।
