— नाइजेरियाको उत्तरपूर्वी क्षेत्रमा किसान र माछा बोकेको डुंगा पल्टिँदा कम्तीमा २६ जनाको नदीमा डुबेर मृत्यु भएको छ भने १४ जना बेपत्ता भएका छन् ।
शनिबार राति जिगावा राज्यबाट योबे राज्यतर्फ जाँदै गरेको डुंगा दुर्घटनामा परेको जानकारी योबे राज्यको आपतकालीन व्यवस्थापन निकायका कार्यकारी निर्देशक मोहम्मद गोजेले दिए । 'आपतकालीन स्वयंसेवक र उद्धार टोलीले अहिलेसम्म २६ जनाको शव फेला पारेको छ,' उनले भने । अन्य दुर्घटनामा परेका अन्य १४ जना हराइरहेको उनले बताए ।
घटनापछि तेह्र यात्रुलाई उद्धार गरिएको र हराइरहेकाको खोजी कार्य जारी रहेको उनले बताए ।
नाइजेरियामा जलमार्गमा हुने डुंगाको प्रयोग र किसानहरूले माछा मार्न नदीमा गर्ने आवतजावतका क्रममा नदीहरूमा दुर्घटनाहरू सामान्य मानिन्छन् । प्रायः अत्यधिक भार, सुरक्षा नियमहरूको पालना नगर्दा र कमजोर र पूराना डुंगाहरूमा हुने पारबहन गतिविधिका कारण डुंगा दुर्घटना हुने भए पनि पिडितहरूले यसलाई आफ्नो भाग्यको खेलसँग चित्त बुझाउने गरेका पाइन्छ ।
देशका जलमार्गमा हुने विभिन्न दुर्घटनामा बर्सेनि सयौँको मृत्यु हुने गरेको छ ।
