: संयुक्त राष्ट्रसंघका महासचिव एन्टोनियो गुटेरेसका प्रवक्ताले भेनेजुएलामा अमेरिकाको सैन्य कारबाहीबाट आफू गहिरो चिन्तित भएको बताएका छन्। बीबीसीका अनुसार महासचिवले संयुक्त राष्ट्र संघको बडापत्रसहित सबैले अन्तर्राष्ट्रिय कानूनको पूर्ण सम्मानको महत्त्वमा जोड दिइरहेको बताएका छन्।
उनले अमेरिकाको सैन्य कारबाहीले यसले "क्षेत्रको लागि चिन्ताजनक प्रभाव पार्ने" बताए। "भेनेजुएलाको अवस्थालाई ध्यानमा राख्दै, यी विकासहरूले खतरनाक उदाहरण प्रस्तुत गर्दछन्," विज्ञप्तिमा भनिएको छ।
"महासचिवले संयुक्त राष्ट्र संघको बडापत्र सहित सबैले अन्तर्राष्ट्रिय कानूनको पूर्ण सम्मानको महत्त्वमा जोड दिइरहनुभएको छ। उहाँ अन्तर्राष्ट्रिय कानूनका नियमहरूको सम्मान नगरिएकोमा गहिरो चिन्तित हुनुहुन्छ।"
उनले भेनेजुएलालाई मानव अधिकार र कानूनको शासनको सम्मान गर्दै "समावेशी संवाद" मा संलग्न हुन पनि आह्वान गरे। महासचिवले भेनेजुएलामा रहेका सबै पक्षहरूलाई मानव अधिकार र कानूनको शासनको पूर्ण सम्मान गर्दै समावेशी संवादमा संलग्न हुन आह्वान गरेको संयुक्त राष्ट्रसंघले जारी गरेको विज्ञप्तिमा उल्लेख छ।
रुस र चीनको समर्थनमा कोलम्बियाले सोमबार संयुक्त राष्ट्र सुरक्षा परिषद्को आपतकालीन बैठक बोलाएको छ।
