— पाँचथरको राँके रवि सडक खण्डमा मोटरसाइकल दुर्घटना हुँदा चालकको मृत्यु भएको छ । बिहीबार साँझ उक्त सडक खण्डको धोद्रेमा बा९९प ८८०१ नम्बरको क्रसफायर मोटरसाइकल अनियन्त्रित भई दुर्घटना हुँदा इलामको फाकफोकथुम–४ का ३३ वर्षीय सुवास सारु मगरको मृत्यु भएको हो ।
सप्तमीदेखि रवितर्फ गइरहेका उनी मोटरसाइकल अनियन्त्रित भएर दुर्घटनामा परेको जिल्ला प्रहरी कार्यालय पाँचथरले जनाएको छ ।
चालक मगरलाई प्राथमिक स्वास्थ्य केन्द्र रविका चिकित्सकले मृत घोषणा गरेका हुन् । मृतकको पोस्टमार्टमका लागि प्रक्रिया अगाडि बढाइएको छ । मोटरसाइकलमा सवार अर्का व्यक्ति काशीनाथ मगर सामान्य घाइते भएको प्रहरीले जनाएको छ ।
