: तत्कालीन गृहमन्त्री तथा नेपाली कांग्रेसका नेता रमेश लेखकले जेनजी आन्दोलनका घटना छानबिनका लागि गठित जाँचबुझ आयोगबाट पत्र प्राप्त नभएको बताएका छन्। जेनजी आन्दोलनको समयमा गृहमन्त्री रहेका कांग्रेसका नेता लेखकलाई बयानका लागि उपस्थित हुन मंगलबार पत्र काटिएको आयोगका अध्यक्ष गौरीबहादुर कार्कीले जानकारी दिएका थिए ।
सोहि विषयमा लेखकले आयोगको पत्र पाएपछि जाने वा नजाने निर्णय गर्ने जानकारी दिए। अन्नपूर्णसँग प्रतिक्रिया दिँदै लेखकले भने, ‘सञ्चारमाध्यममार्फत जेनजी आन्दोलनका घटनाको छानबिनका लागि गठित जाँचबुझ आयोगबाट मलाई पत्र काटिएको जानकारी पाएँ। तर मलाई हालसम्म कुनै पत्र प्राप्त भएको छैन। पत्रमा के-कस्तो व्यहोरा उल्लेख छ ? सोही अनुसार आयोगमा जाने वा नजाने विचार गर्छु।’
आयोग स्रोतका अनुसार लेखकलाई पत्र पठाउँदै सात दिनभित्र आयोगमै उपस्थित भई बयान दिन भनिएको छ।
गत भदौ २३ र २४ गते भएको जेनजी आन्दोलनमा भएको क्षतिको जाँचबुझ गर्न सुशीला कार्की नेतृत्वको अन्तरिम सरकारले कार्की नेतृत्वमा ३ सदस्यीय आयोग बनाएको छ ।
