— एसियाली फुटबल महासंघ (एएफपी) ले अखिल नेपाल फुटबल संघ (एन्फा) लाई दुई हजार डलर जरिवाना गरेको छ । एसियाकप छनोट तेस्रो चरणको मलेसियाविरुद्धको खेल मैदानमा ढिला प्रवेश गरेको आरोपमा नेपाललाई यो कारवाही गरिएको हो ।
पछिल्लो नोभम्बर १८ मा मलेसियामा भएको त्यस खेलमा नेपाल १–० ले पराजित भएको थियो । बुकिट जलिलको नेसनल स्टेडियमा भएको खेलमा नेपालले खेल सुरु हुन अगाडि मैदानमा प्रवेश गर्न एक मिनेट ३० सेकेन्ड ढिला गरेको थियो ।
मलेसियालाई पनि यही आरोपमा दुई हजार पाँच सय डलर जरिवाना गरेको छ । एएफसीको अनुशासन तथा आचारसंहिता समितिको डिसेम्बर १५ मा बसेको बैठकले नेपाल र मलेसियालाई कारवाही गर्न सिफारिस गरेको हो ।
