: अमेरिकी राष्ट्रपति डोनाल्ड ट्रम्पले १४ लाख ५० हजार अमेरिकी सैनिकलाई 'योद्धा लाभांश' (सैनिकलाई दिइने विशेष भत्ता) को रूपमा १,७७६ डलर भुक्तानी गर्ने घोषणा गरेका छन्। ट्रम्पका अनुसार यो भुक्तानीका लागि रकमको एक हिस्सा उनले लगाएको शुल्कबाट उठाइनेछ।
राष्ट्रका नाममा सम्बोधन गर्दै ट्रम्पले क्रिसमस अघि नै मानिसहरूसम्म पैसा पुग्ने बताए। आफ्नो सम्बोधनमा ट्रम्पले अर्थतन्त्र र आप्रवासनमा आफ्नो प्रशासनको रेकर्डको प्रशंसा गरे। साथै उनले डेमोक्र्याटहरूको पनि आलोचना गरे।
ट्रम्पले देश सही दिशामा अघि बढिरहेको र अवस्था सुधार हुने कुरामा राष्ट्रलाई आश्वस्त पारेको देखिन्थ्यो। उनले मुद्रास्फीति घट्दै गएको पनि दाबी गरे। तर सर्वेक्षणहरूले अमेरिकामा धेरै मानिस आवास, बाल हेरचाह र स्वास्थ्य सेवाको बढ्दो लागतबाट असन्तुष्ट रहेको देखाउँछन्।
