— आउँदो फागुन २१ मा हुने प्रतिनिधिसभा निर्वाचनका लागि सर्लाही निर्वाचन क्षेत्र ४ बाट कांग्रेस महामन्त्री गगन थापाको नाम सिफारिस भएको छ ।
थापाले सर्लाहीबाट चुनाव नलड्ने उद्घोष गरे पनि उनको नाम सिफारिस गरिएको हो ।
क्षेत्र नं. ४ को बैठकले भने प्रतिनिधि सभा सदस्यको प्रत्यक्षतर्फ पार्टीका महामन्त्री गगनकुमार थापा र अहिले प्रदेशसभा सदस्य रहेका वीरन्द्रप्रसाद सिंहको नाम सिफारिस गरेको छ । महामन्त्री थापाले ४ दिनअघि मात्र सदरमुकाम मलंगवामा पत्रकारसँग कुरा गर्दै आफू काठमाडौंबाटै चुनाव लड्ने बताएका थिए ।
थापाले त्यसो भन्दा भन्दै यहाँबाट नाम सिफारिस हुनु र उनी आफै पनि निरन्तर ४ नं. क्षेत्रमा विभिन्न बहानामा नेता, कार्यकर्तासँग भेट गर्न आइरहेकाले चुनाव लड्न सर्लाही आउन सक्ने पनि आंकलन भइरहेका छन् ।
यसअघिका प्रतिनिधि सभा निर्वाचनमा पनि सर्लाही क्षेत्र ४ बाट महामन्त्री थापाको नाम सिफारिस भइ चुनाव लड्ने आउने भनिए पनि अन्तिम अवस्थामा पछि हटेका थिए ।
