— संरक्षित वन्यजन्तु हात्तीको दाह्रा अवैध रूपमा ओसारपसार तथा बिक्री–वितरण मुद्दाका फरार कैदी पक्राउ परेका छन् ।
भदौ २४ गते केन्द्रीय कारागार जगन्नाथदेवल, सुन्धारामा कैद सजाय भुक्तान गरिरहेका गोरखा सिरानचोक-८ का २२ वर्षीय सविन गुरुङलाई तीन महिनापछि प्रहरीले पक्राउ गरेको हो ।
सोमबार तार्केश्वर–मनमैजुबाट उनलाई पक्राउ गरेको केन्द्रीय अनुसन्धान ब्युरो (सीआईबी) का प्रवक्ता प्रहरी वरिष्ठ उपरीक्षक शिवकुमार श्रेष्ठले जानकारी दिए । उनका अनुसार पछिल्लो समय उनी यही क्षेत्रमा बसोबास गर्दै आएका थिए ।
उनलाई काठमाडौँ जिल्ला अदालतले २०८१ भदौ २८ गते ६ वर्ष कैद सजाय तोक्दै फैसला गरेको थियो । पक्राउ परेका गुरुङलाई पुनः केन्द्रीय कारागार कार्यालय, सुन्धारामा पेस गरिएको छ।
