: रुसले शनिबार रातभर युक्रेनमा हवाई आक्रमण गरेको छ। युक्रेनी राष्ट्रपति भोलोडिमिर जेलेन्स्कीले युद्ध अन्त्य गर्न जारी वार्ताबारे टिप्पणी गरेको केही घण्टापछि यो आक्रमण भएको हो।
फ्लोरिडामा तीन दिनको वार्तापछि डोनाल्ड ट्रम्पको वार्ता टोलीसँग फोन वार्ता धेरै रचनात्मक भएको उनले बताएका थिए।
युक्रेनी औद्योगिक शहर क्रेमेनचुकका मेयरले शहरमा ठूलो मात्रामा आक्रमण भएको बताए। उनका अनुसार कुनै हताहतको पुष्टि भएको छैन।
यसैबीच रुसी रक्षा मन्त्रालयले विभिन्न क्षेत्रमा ७७ युक्रेनी ड्रोन खसालेको दाबी गरेको छ। युद्ध अन्त्य गर्ने प्रयास भइरहेका बेला यी आक्रमण भइरहेका छन्।
