: नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीबीच भेटवार्ता भएको छ। कांग्रेस सभापति देउवा निवासमा उनीहरूबीच भेटवार्ता भएको हो।
जेनजी आन्दोलनपछि उनीहरूबीच औपचारिकरूपमा भेटघाट भएको हो। उनीहरूबीच समसामयिक राजनीतिक विषयमा छलफल भएको बताइएको छ। भेटमा देउवा पत्नी आरजु राणा र ओली पत्नी राधिका शाक्य पनि सहभागी छन्।
एमाले अध्यक्ष ओलीले देउवा दम्पतीको स्वास्थ्य अवस्थाका विषयमा जानकारी पनि लिएका थिए। देउवा सचिवालयका अनुसार देउवा र ओलीबीच स्वास्थ्य अवस्था र समसामयिक देशको अवस्थाबारे छलफल भएको थियो।
यतिबेला एमाले र कांग्रेस महाधिवेशनको तयारीमा जुटेका छन्। एमालेले मंसिर २७ गतेदेखि ११औं महाधिवेशन आयोजना गर्दैछ भने कांग्रेसले पुस २६ गतेदेखि १५औं महाधिवेशन गर्दैछ।
