: भारतमा अवैध रूपमा बसोबास गर्दै आएका बंगलादेशी रोहिंग्या समुदायका मानिसहरू नेपालमा गैरकानुनी रूपमा प्रवेश गरिरहेको खबरहरू आउन थालेपछि जिल्ला प्रशासन कार्यालय पर्साको पनि ध्यानाकर्षण भएको छ।
जिल्ला प्रशासन कार्यालय पर्साले बुधबार एक सूचना जारी गर्दै वीरगन्जसहित जिल्लाका सबै सीमा र नाकाहरूमा सुरकक्षाकर्मीको चेकजाँच र निगरानी बढाइएको जनाएको छ। सीमावर्ती नाकाबाट परिचय नखुलेका शंकास्पद व्यक्तिहरू अवैध ढंगबाट पर्सा जिल्लामा प्रवेश गर्नसक्ने हुँदा सुरक्षा निकायबाट चेकजाँचमा कडाई गरिएको पर्साका सहायक प्रमुख जिल्ला अधिकारी विनोद कुमार पोखरेलले जारी गरेको सूचनामा उल्लेख छ।
शंकास्पद व्यक्ति जिल्लाभित्र प्रवेश गरेको अवस्थामा त्यस्ता व्यक्तिको सम्बन्धमा नजिकको सुरक्षा निकायमा जानकारी गराउन पनि अपील गरिएको छ।
