: ब्राजिलका पूर्वराष्ट्रपति जैर बोल्सोनारोलाई २७ वर्षको जेल सजाय सुनाइएको छ। मंगलबार सर्वोच्च अदालतले उनलाई २७ वर्ष ३ महिनाको जेल सजायको फैसला सुनाएको हो।
उनलाई विद्रोहको षड्यन्त्र रच्ने र आफ्ना वामपन्थी प्रतिद्वन्द्वी लुला दा सिल्भाको हत्या घटनामा संलग्न रहेको आरोपमा अदालतले दोषी ठहर गरेको हो। न्यायाधीश अलेक्जान्ड्रे डे मोरेसले भने कि,'मुद्दाको अन्तिम निर्णय भइसकेको छ र अब पुनरावेदन हुन सक्दैन।'
७० वर्षीय बोल्सोनारो राजधानी ब्रासिलियाको जेल चलान भएका छन्। घरमै नजरबन्दमा रहेको समयमा निगरानी मनिटर हटाएपछि उनलाई हिरासतमा लिइएको थियो। पछि उनले यसलाई खोल्ने प्रयास गरेको स्वीकार गरेका थिए । तर भाग्ने आफ्नो कुनै मनसाय नभएको उनले बताएका थिए।
न्यायाधीश मोरेसले बोल्सोनारोको स्वास्थ्य उपचारका लागि चिकित्सकीय सेवा उपलब्ध गराउन समेत भनेका छन्।
