— गाजाको उत्तरी र मध्य क्षेत्रमा इजरायली आक्रमणमा कम्तिमा २२ जना प्यालेस्टिनी मारिएका छन् ।
हमासको चिकित्सा तथा नागरिक सुरक्षा अधिकारीहरुले उक्त आक्रमणको पुष्टि गरेका छन् ।
अन्तर्राष्ट्रिय सञ्चार माध्यमहरुका अनुसार शनिबार पाँच ठाउँमा भएको आक्रमणमध्ये केही आवासीय क्षेत्रसमेत थिए । स्थानीयका सुत्रले दिएको जानकारी अनुसार मारिएकाध्ये एक जना हमासका वरिष्ठ कमान्डरसमेत रहेको बीबीसीले जनाएको छ ।
इजरायली सेनाले गाजामा निशाना बनाइएका क्षेत्रहरुको सम्बन्ध शनिबारको घटनासँग सम्बन्धित रहेको बताएको छ । सेनाका अनुसार एक हतियारयुक्त व्यक्ति गाजापट्टीको पहेँलो रेखा पार गर्दै इजरायलको पूर्ण नियन्त्रणमा रहेको क्षेत्रमा गएको र सैनिकमाथि गोली चलाएका थिए ।
यता हमासले भने उक्त आरोप अस्वीकार गरेको छ । दुवै पक्षले करिब ६ साताअघि भएको युद्धविराम सम्झौताको उल्लंघन गरिरहेको आरोप लगाएका छन् । गाजाको स्वास्थ्य मन्त्रालयका अनुसार युद्धविराम लागू भएयता इजरायली आक्रमणमा परी ३१० भन्दा धेरै प्यालेस्टिनी मारिएका छन् ।
