— टाइटानिक जहाज दुर्घटनामा मृत्यु भएका एक यात्रीको सुनको पकेट वाच (घडी) १.७८ मिलियन पाउन्डमा बिक्री भएको छ ।
इसिडोर स्ट्रस र उनकी पत्नी आइडा ती १५ सय मानिसहरुमा थिए, जसको १४ अप्रिलः १९१२ मा टाइटानिक जहाज आएसबर्ग (हिमखण्ड)सँग ठोक्किँदा मृत्यु भएको थियो । उक्त जहाज साउथेम्प्टनदेखि न्यूयोर्कतर्फ जाँदै थियो ।
दुर्घटनाको केही दिनपछि स्ट्रसको शव आन्द्र महासागरबाट बरामद गरिएको थियो । उनको साथबाट १८ क्यारेटको सुन जडित जूल्स जर्गेंसन पकेट वाच फेला परेको थियो ।
उक्त घडी स्ट्रसको परिवारसँग संरक्षित थियो । र शनिबार भिल्टशायरको डेभाइजेन्समा हेनरी अल्ड्रिज एन्ड सन अक्शनियर्समा बिक्री गरिएको हो । स्ट्रस एक अमेरिकी व्यापारी, राजनेता र न्यूयोर्क मेसीज डिपार्टमेन्ट स्टोरका सह–मालिकसमेत थिए ।
दुर्घटनापछि उनकी पत्नी लाइबोटमा बस्न मानेकी थिइनन् । उनले पतिसँग विछोडिएर बाँच्नुभन्दा उनीसँग मर्न चाहेको बताएकी थिइन् । आइडा स्ट्रसले जहाजमा हुँदा एक पत्र पठाइकी थिइन् । टाइटानिक स्टेशनरीमा लेखिएको उक्त पत्र पनि एक लाख पाउन्डमा बिक्री भएको छ ।
टाइटानिकसँग सम्बन्धित स्मृति चिह्नहरुको यस लिलामीमा कूल ३० मिलियन पाउन्ड रकम संकलन भएको छ ।
