— नवगठित प्रगतिशील लोकतान्त्रिक पार्टीको पाँच सदस्यीय अध्यक्ष परिषद् गठन गरिएको छ ।
ओजस्वी भट्टराई, दुर्गा सोब, सन्तोष परियार, सुदन किराती, अशोक जयसवाल रहेको अध्यक्ष परिषद् बनाइएको हो । ओजस्वी जेन-जी समूहबाट हुन् भने जयसवाल माओवादी युद्धका सहिद परिवार हुन् । सोब नग्याँ शक्तिकी संयोजक, किराती प्रगतिशील अभियानका संयोजक र परियार राष्ट्रिय स्वतन्त्र पार्टीका पूर्वमुख्य सचेतक हुन् ।
माओवादीका पूर्वउपमहासचिव जनार्दन शर्मा, रास्वपाका पूर्वप्रमुख सचेतक सन्तोष परियार र नेपाल समाजवादी पार्टी (नयाँ शक्ति) का संयोजक दुर्गा सोब पक्षले आइतबार प्रगतिशील लोकतान्त्रिक पार्टी घोषणा गरेका छन् । पार्टीको संरक्षकमा पूर्वप्रधानमन्त्री बाबुराम भट्टराई रहनेछन् । पार्टीको सामूहिक नेतृत्व युवा, महिलासहित समावेशी बनाउने विधान मस्यौदामा छ ।
पार्टीको चुनाव चिह्न भने आँखा रहनेछ । यो दल दुर्गा सोबको नाममा निर्वाचन आयोगमा दर्ता भइसकेको छ ।
