। नेकपा एमालेले आफ्नो पार्टीका गतिविधि रोक्न भइरहेका क्रियाकलापप्रति सतर्क र जानकार रहेको बताएको छ ।
पार्टी केन्द्रीय कार्यालय च्यासलमा बसेको सचिवालय बैठकपछि सञ्चारकर्मीसँग कुराकानी गर्ने क्रममा उपमहासचिव प्रदीप ज्ञवालीले यस्तो बताएका हुन् ।
एमालेले आगामी मंसिर ५ र ६ गते उपत्यका केन्द्रित सभा गर्दैछ । उक्त सभाहरूमा हुनसक्ने घुसपैठप्रति पनि पार्टी जानकार रहेको र त्यसका लागि स्वयंसेवक पनि तम्तयार रहेको उनले जिकिर गरे ।
‘हामी सतर्क छौं । तीन ढंगले हामीलाई अवरोध गर्न खोजेको देखिन्छ । कतिपय ठाउँमा मुठभेड गराउन खोज्ने,’ ज्ञवालीले भने, ‘नेताहरूलाई स्थानहद र घुसपैठ गराउने अवान्छित क्रियाकलाप गराउन सक्नेछन् । त्यसका लागि हाम्रा स्वयंसेवक साथीहरू तम्तयार नै हुनुहुन्छ ।’
