— गुगलको मूल कम्पनी अल्फाबेटका प्रमुख सुन्दर पिचाईले एआई (आर्टिफिसियल इन्टेलिजेन्स) को 'बबल' (बजारमा अत्यधिक मूल्यवृद्धि) फुट्यो भने हरेक कम्पनी प्रभावित हुने बताएका छन् । बीबीसीसँगको वार्ताका क्रममा उनले यसो बताएका हुन् ।
बीबीसी न्यूजसँगको कुराकानीमा सुन्दर पिचाईले कृत्रिम बुद्धिमत्तामा भइरहेको लगानीको वृद्धि एक "असाधारण " मानिए पनि हालको अवस्था अस्वभाविक रहेको बताए।
सिलिकन भ्याली र बाहिर पनि एआई प्रविधि कम्पनीहरूको मूल्य पछिल्लो समय आकाशिएको र कम्पनीहरूले यस बढ्दो उद्योगमा ठूलो लगानी गरिरहेकाले बजारमा 'बबल' को डर बढेको छ ।
एआई बबल फुटेको खण्डमा गुगल अछुतो रहन्छ कि रहँदैन भन्ने बीबीसीको प्रश्नमा पिचाईले यो सम्भावित खरतालाई 'टेक जाइन्ट'ले पार गर्न सक्ने बताए पनि एउटा चेतावनी दिए । उनले भने, 'मलाई लाग्छ हामीसहित कुनै पनि कम्पनी अछुतो रहने छैन।'
उनले ऊर्जा आवश्यकता, जलवायु लक्ष्यहरूलाई सुस्त बनाउने, बेलायतमा लगानी, आफ्नो एआई मोडेलहरूको सटीकता र एआई क्रान्तिको रोजगारीमा पर्ने प्रभावबारे पनि कुरा गरेका छन् ।
