: मेडिकल व्यवसायी दुर्गा प्रसाईंलाई भेट्न गएका ८ जनालाई प्रहरीले नियन्त्रणमा लिएको छ। जिल्ला प्रहरी परिसर काठमाडौंका प्रवक्ता पवन भट्टराईका अनुसार ठूलो भीडभाड र नाराजुलुस गर्दै जिल्ला प्रहरी कार्यालय पुगेका प्रसाईंका कार्यकर्तालाई 'स्क्रिनिङ'का लागि नियन्त्रणमा राखिएको हो।
नियन्त्रणमा लिएका केही व्यक्तिले सामाजिक सञ्जालमा प्रहरी कार्यालय तोडफोड गरेर भए पनि दुर्गा प्रसाईंलाई निकाल्नुपर्छ भन्दै अवाञ्छित सूचना फैलाएका थिए। उनीहरूका आपराधिक रेर्कड हेर्न र अराजक समूहको निगरानी गर्नका नियन्त्रणमा लिइएको प्रवक्ता भट्टराईले जानकारी दिए।
प्रसाईं पक्राउ गर्नासाथ उनका सर्मथकहरू नारावाजी गर्दै जिल्ला प्रहरी परिसर पुगेका थिए। प्रसाईंलाई छाड्नुपर्ने भन्दै विरोध गरेका थिए। प्रहरीका अनुसार उनीहरूको केही समूहले सामाजिक सञ्जालमा अनेक भ्रामक सूचना फैलाइरहेका छन्।
सोमबार राति पक्राउ परेका प्रसाईंलाई जिल्ला प्रशासन कार्यालय काठमाडौंले सार्वजनिक शान्तिविरुद्धको कसुरमा अनुसन्धान गर्न हिरासतमा राख्नका लागि ४ दिनको म्याद दिएको छ।
