: पाकिस्तान टुरमा रहेका श्रीलंकन टिमका खेलाडीलाई श्रीलंका क्रिकेट (एसएलसीर)ले चेतावनी दिएको छ। पाकिस्तानको इस्लामाबादमा भएको बम विस्फोटपछि केही खेलाडीले आफूहरू घर फर्कन चाहेको बताएका थिए।
विशेषतः खेलाडीको परिवारका सदस्यले उनीहरूको सुरक्षाको चिन्ताले पाकिस्तान छोड्न सल्लाह दिएको बताइएको थियो। श्रीलंकन टिम इस्लामाबादमा नै रहेको छ । जहाँ मंगलबार बम विस्फोट भएको थियो।
श्रीलंकन टिमका प्रमुख प्रशिक्षक सनथ जयासूर्याले भने, ‘सर्पोट स्टाफमा हामी निकै स्पष्ट छौँ। हामी यो टुर पूरा गर्न चाहन्छौँ,’उनले भने,‘हामीले खेलाडीको चिन्ता सुनेका छौँ। हामी बसेर छलफल गर्ने छौँ।’
श्रीलंकन क्रिकेटले खेलाडी र टुरमा रहेका सर्पोट सदस्यहरूलाई खेलको निर्धारित तालिकाअनुसार खेलेर आउन निर्देशन दिएको छ। श्रीलंकन बोर्डले भनेको छ, ‘यदि कोही खेलाडी वा सदस्यले बोर्डको निर्देशन बाहेक श्रीलंका फिर्ता आएमा बोर्डले उनीहरूको समीक्षा गरेर निर्णय लिनेछ।’ खेलाडीको श्रीलंका फर्कन चाहेको अनुरोधमा बोर्ड हाल मौन रहेको छ।
श्रीलंकाले हाल ३ खेल सम्मेलित एकदिवसीय सिरिजको १ खेल मात्रै खेलेको छ। त्यसपछि टिमले लगत्तै जिम्बावे, पाकिस्तानसम्मेलित त्रिदेशीय सिरिज खेल्ने तालिका रहेको छ।
श्रीलंकन टिम २००९ मा पनि पाकिस्तानमा भएको आतंककारी हमलाको शिकार भएको थियो। लामो समयको निर्वासन पछि पाकिस्तान भ्रमण सुरु गर्ने टोलीहरूमध्ये श्रीलंका एक टिम हो।
