: नेकपा एमालेका अध्यक्ष केपी शर्मा ओलीले एमाले भित्रिएका नेताहरू बिना लालच फर्किएको बताएका छन्। राष्ट्रिय सभागृहमा घर फर्क अभियानको शुभारम्भ गर्दै अध्यक्ष ओलले नेतृ रामकुमारी झाँक्री र निवर्तमान सांसदसमेत रहेका किसान श्रेष्ठले बिना लालच फर्किएको दाबी गरे।
'हामीले केही दिन्छु भनेका छैनौं। उहाँहरू आग्रहले होइन, अनुभवले फर्किनुभएको हो। फेरि उहाँहरूले केही चाहिन्छ पनि भन्नुभएको छैन। मनभित्र केही लोभ र लालच त छैन भन्दा उहाँहरूले छैन भन्नुभएको छ। कुर्सीमा होइन चाकडीमै बसाले पनि आउँछु भन्नुभएको छ,' उनले भने।
उनले प्रचण्ड र माधवकुमार नेपालको नेपाली कम्युनिस्ट पार्टीलाई ज्येष्ठ नागरिक आश्रमको संज्ञा दिए। 'ज्येष्ठ नागरिक आश्रम खोलेर कोही बस्दै हुनुहुन्छ। उहाँहरूले अब एक दुई जना समेट्न बाँकी छ। एक जना बाग्लुङ र प्युठानबाट समेटेपछि उहाँहरूको कोर्स पूरा हुन्छ,' उनले भने।
अध्यक्ष ओलीले भीम रावललाई लक्षित गर्दै थपे, 'कोही कोही छैटौं नम्बर पाएपछि हिंडिहाल्दो रैछ।' उनले बुढो भए पनि काम गर्नेहरू एमालेतिर भएको स्पष्ट पारे। अध्यक्ष ओलले एमाले खोल्सी नभएर महासागर भएको बताए। 'एमाले तिरतिरे खोल्सी होइन। महासागर हो,' उनले भने।
