: काभा यू-१९ महिला भलिबल प्रतियोगितामा नेपाल किर्गिस्तानसँग पराजित भएको छ। आइतबार भएको फाइनल खेलमा नेपाल किर्गिस्तानसँग ३-२ को सेटमा पराजित भएको हो।
पहिलो सेट जित्दा दोस्रो र तेस्रो सेट गुमाएको नेपालले चौथो सेटमा पुनर्गमन गरेको थियो। पाँचौं सेटमा नेपाल पुनः किर्गिस्तानसँग पराजित हुँदा उपाधिबाट वञ्चित भयो। किर्गिस्तानसँग नेपाल २१-२५, २५-२०, २५-२१, १३-२५ र १५-११ को सेटमा पराजित भएको हो।
शनिबार भएको सेमिफाइनल खेलमा माल्दिभ्सलाई ३-० को सोझो सेटमा हराउँदै नेपाल फाइनल प्रवेश गरेको थियो।
नेपाल एक चरणको खेलमा पनि किर्गिस्तानसँग ३-२ को सेटमा पराजित भएको थियो।
