: विराटनगर किङ्सले नेपाल प्रिमियर लिगको दोस्रो संस्करणको लागि नेपाली राष्ट्रिय टिमका पूर्व प्रशिक्षक पुबुदु दासनायकेलाई प्रमुख प्रशिक्षकको रुपमा अनुबन्ध गरेको छ। पहिलो संस्करणमा जनकपुर बोल्ड्समा रही उपाधि जिताएका दासानायके यसपटक विराटनगर किङ्सको प्रमुख प्रशिक्षकमा अनुबन्धित भएका हुन्।
विराटनगरले नेपाली राष्ट्रिय टिमका लेगस्पिनर सन्दीप लामिछाने, लोकेश बम, प्रतिश जिसी, सुवास भण्डारी, नरेन्द्र भट्ट र वसिर अहमदलाई पहिलो सिजनबाट रिटेन गरेको थियो।
दोस्रो संस्करणको लागि सूर्य तामाङ, नारायण जोशी, साहिल पटेल, शंकर राना र श्रवण किस्कुलाई टिमले मिनी अक्सनबाट अनुबन्ध गरेको छ।
विराटनगरको निर्देशकमा पूर्व राष्ट्रिय टिमका प्रमुख सेलेक्टर दिपेन्द्र चौधरी रहेका छन्।
