। अमेरिकी अटोमोटिभ तथा क्लिन एनर्जी कम्पनी टेस्ला इंकका सीईओ एलन मस्कको तलब एक ट्रिलियन डलर हुने भएको छ। कम्पनीका शेयरधनीहरूले मस्कका लागि एक ट्रिलियन डलरको ‘सेलरी प्याकेज’ का लागि मन्जुरी दिइसकेका छन्।
यो कर्पोरेट कम्पनीका सीईओका लागि मञ्जुर गरिएको अहिलेसम्मकै सबैभन्दा ठूलो ‘सेलरी प्याकेज’ हो। कम्पनीले आफ्नो वार्षिक बैठकमा ‘सेलरी प्याकेज’ को पक्षमा ७५ प्रतिशत शेयरधनीले मत राखेको जनाएको छ।
पछिल्ला केही दिनदेखि इलेक्ट्रिक सवारीसाधन निर्माता कम्पनी टेस्ला इंकका सीईओको ‘सेलरी प्याकेज’ एक ट्रिलियन डलर बनाउने बोर्ड, मस्क र लगानीकर्ताका तर्फबाट अभियान चलाइएको थियो।
अब आफ्नो तलबका लागि मस्कले टेस्लाको बजार मूल्य बढाउनुपर्ने र मत्थर देखिएको कारको व्यापारलाई तीब्रता दिनुपर्ने छ।
